Oseas 7:2 - Qullan Arunaca

² Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.

Aymar Bibliia 1986

² Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.

Qullan Arunaka DC

² Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Oseas 7:2 Jak'a apnaqawi uñst'ayäwi

Job 34:21

Diosaw jaken sarnakäwipjja uñji, take sarnakäwipwa yatiraqui.

Salmos 10:11

Ñankha chuyman jakejj lup'isiwa: “Diosajj aca jaket armasiwa, jupar jan uñjañataquejj ajanupsa imantasiwa” sasa.

Salmos 25:7

janiquiy jucha luratanacajjat amtasimti, janirac wayna cancañajjan ñankha luratanacajjat amtasimti; Tatay, qhuyapayasiñam laycuy nayat amtasita, munasiñam laycurac amtasita.

Salmos 50:22

Diosat armasirinaca, sum ist'apjjam, ucatarac k'al tucjasipquirisma; janirac qhiti arjjatirs jicjjatasisipcasma;

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Salmos 90:8

Jucha luratanacajjajj nayrakataman uñsti, jamasat luratanacajjsti khanaruw mistuytajja.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Isaías 44:19

Janiw amuyt'añar uscusipquiti, jupanacarojj amuyt'asiñ chuymaw jan utjquiti, ucatsti sapjjañapataqui: “Chicat maderjja naqhaytwa, ucampiraquiw t'ant'a lurastjja, aychsa ucan cancasiractjja ucat mank'aractjja; take uca jilt'atsti aca ajjtascañ yänaca luraractjja, ¡cunarutejj nayajj yupaychascta ucajj mä jisc'a lawaquiwa!”

Isaías 5:12

Jumanacan jach'a mank'äwinacamansti arpa, cítara, tambor, uqhamarac pinquillo uca musicanacaquiw utjasqui, uqhamaraqui walja vinompi machañataqui; ucampis janiw amuyapctati Tatitun luratanacapjja, janiraquiw yäkapctasa jupan luratanacapjja.

Jeremías 14:10

Tatitojj aqham siw Israel marcatjja: “Aca marcarojj maysat maysaru sarnakañapuniw munasi. Ucatwa nayajj juparojj jan take chuyma uñtctti. Jichhajj juchanacapat amtasï, uca juchanacapatsti jacthapita wayt'araquï.”

Jeremías 16:17

Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 17:1

“Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Jeremías 4:18

“Sarnakatanacamampi, luratanacamampiw apt'tam cunatejj pasctam ucanacarojja, ñankha luratamaw aca jan walt'añjja apaniractam, chuymamsa ust'ayasa.”

Jeremías 44:21

“¿Jumanacasti amuyapjjtati Tatitojj jani ucanacjja amuycaspa uqhama? Uqhamaraqui jumanacana, awquinacamana, reyinacamana, jilïrinacamana uqhamaraqui take jakenacana inciensonaca yakha diosanacaru Judá orakena loktasipjjatamjja, Jerusalén marcan callenacapansa take ucanacjja Tatitojj janiw armquiti.

Ezequiel 21:29

Unañchäwi uñjatanacapasti c'ariwa, cunatejj acat kheparu pascani ucanacat parlatanacapas c'ariraquiwa. Espadasti uca ñankha jake jiwayiri jakenacjjaruw puriraquini. Khepa mutuyäwi catokaña horasapasti niya jac'ancjjewa.

Oseas 12:2

Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 4:9

Aca marcarusa, sacerdotenacarjamaraquiw mutuyaraquëjja jan wali sarnakäwinacapatjja,

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Oseas 9:15

Tatitojj siwa: “Gilgal chekanwa take jan walinac lurapjjänjja, ucqhanracwa jupanacar uñisiñajja kallt-ta. Jan wali luräwinac lurapjjatapatjja; utajjatjja ananucüwa, janiraquiw jupanacarojj juc'ampi muncjjäti, take jilïrinacapasti naya contra sayt'asircamaquiwa.

Oseas 9:9

K'alpuni aynacht'jjapjje ñankha lurañanacampejja, Gabaan urunacapanjama. Ucampis Tatitojj ñankha luratanacapatjja amtasiniwa, juchanacapatsti mutuyaraquiniwa.

Amós 8:7

Tatitusti Jacobon jach'a cancañap laycuw juramento luri: “Cunanactï lurapqui ucjja janipuniw armcäti” sasa.

Jonás 1:2

“Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa.

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Lucas 12:2

Janiw cuna jamasanquiris jan khanstirejj utjquiti, ni cuna imantatas jan yatisirejj utjcaraquiti.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.