Jonás 1:3 - Qullan Arunaca

³ Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Aymar Bibliia 1986

³ Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Qullan Arunaka DC

³ Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

Jonás 1:3 Jak'a apnaqawi uñst'ayäwi

Génesis 3:8

Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

Génesis 4:16

Cainasti, cawqhantejj Tatitumpi parlascäna uca chekatjja mistuwayjjänwa, ucatsti Nod, sat chekar jaquiriw sarjjäna, ucasti Edén jardinat inti jalsu tokenquiwa.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

1 Reyes 19:9

Purisinsti mä puturuwa mantäna, ucanaracwa uca arumajj khantatïna. Ucatsti Tatitojj juparojj sänwa: “¿Elías, cuns acan lurascta?” sasa.

2 Crónicas 2:15

Uqhamasti, tata, apayanimay sirvirinacamarojja trigo, cebada, aceite, uqhamarac vinsa, cunanactejj jumajj churañ munapquista ucanaca.

2 Crónicas 2:16

Uccañcamasti nanacajj Líbano kollunjja maderanacjja qhuchhusipcäwa, kawktï jumajj muncäta ucqha, ucatsti nanacajj aparapipjjaraquïmawa balsanacata jach'a kotanjama, Jope marcacama. Ucqhatsti jumaw apayasjjäta Jerusalén marcacama” sasa.

2 Crónicas 9:21

Reyin barconacapasti Tarsis marcaruw sarirïna Hiram chachan sirviri jakenacapampi, jupanacasti sapa quimsa marata may cutiwa purinipjjerïna kori, kollke, marfil, mononaca, pavo realanac apt'ata.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Job 1:12

Diosasti Supayarojj saraquïnwa: —Uqhamajja waliquiwa, jichhasti Job chachan take yänacapampejj cunjämarutejj muncta uqhamaru luram. Ucampisa juparojj jani cuna jan walinacsa luramti —sasa. Ucatsti Supayajj Diosan nayrakatapatjja sarawayjjänwa.

Job 2:7

Ucatsti Supayajj Tatitun ucata mistuwayasinjja, Job chacharojja jan kollcaña llejjti usumpiw usuntayäna. Ucatsti uca llejjti usojja cayuta, p'ekecamaw catuntäna.

Salmos 107:23

Aljasirinacajj lamar kotaruw yampunacat mantantapjjäna, lamar kotanjam aljañanac apapjjäna.

Isaías 2:16

take qhitinacatejj Tarsis barcöpcaspa jan ucajj suma barconacäpcaspas ucanacataqui.

Isaías 23:1

Tiro marca toke profecía arunaca. Tarsisanquir barconaca, aykopjjam, puertonacan t'unjatätap laycu. Chipret puriniña puertosti k'ala t'unjatawa.

Isaías 23:10

Tarsis marca, jichhajj yapuchañar uscusim, barconac lurañamajj tucusjjewa.

Isaías 23:6

Sapjjaraquiniwa: “Tarsisar sarapjjam, kota iraman utjirinaca, jichhajj wararipjjam” sasa.

Isaías 60:9

Ucanacasti kotanjam jutir barconacawa, mayaquiw jutapjjaraqui Tarsisanquir barconacampi irpata, jayatpachwa wawanacamjja irpanjjapjjaraqui, koripas kollkepas apt'ata, Tatitumar jach'añchäwi churasa, Israelan Kollan Diosaparu, qhititejj jumarojj wali suma tucuyctam ucaru.

Jeremías 10:9

Uca c'ari diosanacapajj Tarsis marcat apanit kollkequiwa, uqhamaraqui Ufaz sisqui ucat apanit koriquiwa; jakenacan lurataquiraquiwa, morado isinacampi, wila isinacampi isthapitaquiraquiwa; jakenacan amparanacapampi lurataquiraquiwa.

Ezequiel 2:8

Cuntejj siscsma uca arunacsti sum ist'am janirac jupanacjam jan ist'asiri tucumti. Lacam ansatatam, ucatsti cuntejj churcäma uca mank'antaraquim” sasa.

Ezequiel 27:12

Kamir cancañamasti sintipuniraquïnwa, ucatwa Tarsis marcas jumampejj alaquipa luraraquïnjja, uca aljasiñanacamatsti kollke, hierro, estaño, plomo ucanacwa churapjjaraquïyätamjja.

Ezequiel 3:14

Diosan ch'amapaw nayarojj sayt'ayitu ucatsti uca chekatsa apsuniraquitu, nayasti wali llact'ata mayjt'ataw sarjjaracta, ucañcamasti Tatitojj amparapampiw wali waythapiraquitäna.

Jonás 1:10

Barco apnakerinacasti walipuniw sustjasipjjäna, ucatsti jisct'apjjänwa: —¿Cunats uqham lurta? —sasa. Jonasasti jupanacarojj arsjjänwa. Diosan nayrakatapat jaltanitapa.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Lucas 9:62

Jesusasti juparojj sänwa: —Qhititejj arado catt'atäcasin khepar uñtqui ucajja, janiw Diosan reinopataquejj asquiquïti —sasa.

Hechos 15:38

Ucampis Pablojj janiw Marcosarojj irpañ muncjjänti, nayra saräwinjj jupanacamp sarcasinjja jupajj Panfiliat cutt'anjjäna, ucatsti janiw jupanacamp chic irnakerejj sarcjjataynati uca laycu.

Hechos 26:19

“Ucatwa rey Agripa, nayajj alajjpachat ist'cäyät uca arurojj jaysta.

Hechos 9:36

Ucürunacansti Jope marcanjja Tatitur arquir mä warmiwa utjäna, Tabita sutini, griego arunjja, Dorcas satawa. Uca warmisti asqui lurirïnwa, pobrenacar yanapt'iriraquïnwa.

Hechos 9:38

Jope marcajj Lida jac'ancaquïnwa, Pedrosti Lida marcancascänwa. Iyawsirinacasti uc yatisinjja, pani chacharuw qhitapjjäna, Pedror jawsaniñapataqui: “Janc'ac jutam Jope marcaru” sasa.

Hechos 9:42

Ucasti Jope marcpachanwa yatisïna, ucatsti waljaniraquiw Tatitur iyawsapjjäna.

Hechos 9:43

Pedrosti mä kawkha urunacaraquiw uca marcan kamaräna lip'ichinacamp lurir Simonan utapana.

1 Corintios 9:16

Nayataquejj janiw cuna jach'achasiñäquisa evangelio parlañajja, jan ucasti, waquisituwa parlañajjajja. ¡Janitejj Diosan arunacap parlquirist ucajja cunaquïcaspa nayataquejja!

2 Tesalonicenses 1:9

Acanacajj wiñay t'unjañampi mutuyatäpjjaniwa, Tatitun nayrakatapatsa jakokanitäpjjaniwa, uqhamarac jach'a cancañapatsa ch'amapatsa,

Josué 19:46

Mejarcón, Racón, uca marcanaca, uqhamaraqui cawquïri oraketï Jope sat marca uñcatasincqui ucanacamppacha.