Jonás 1:4 - Qullan Arunaca

⁴ Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa.

Aymar Bibliia 1986

⁴ Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa.

Qullan Arunaka DC

⁴ Ukatsti, lamar qutankapkän ukapachaw Tatitux jach'a ch'aman axsarkay thaya sartayäna, thayasti uka jach'a qutan barcorux t'unjirpachänwa.

Jonás 1:4 Jak'a apnaqawi uñst'ayäwi

Salmos 135:6

Tatitojj take cuntejj munqui uc luri: alajjpachansa, acapachansa, lamar kotansa, jach'a kota mankhansa.

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Salmos 148:8

Tatitur jach'añchapjjam, khejjokhejjosa, chhijchhisa, qhunusa, urpusa, arunacap jaysir jach'a thayasa.

Éxodo 10:13

Moisesasti thujrupa ayjjarusinwa Egipto orakjjaru loktäna, ucatsti Tatitojj thaya jutayäna inti jalsu toketjja, ucampis uruy arumawa thayäna. Ucat khepärmanthisti uca thayajja t'ijut'ijunacwa puriyanïna.

Éxodo 10:19

Ucatsti Tatitojj inti jalanta toketwa wali thaya thayt'ayaniraquïna, ucawa t'ijut'ijunacjja apjjasina Mar Rojo sat kotaru jakontjjäna. Ucatsti janiw mä t'ijut'ijusa jilt'cänti.

Éxodo 14:21

Moisesasti amparapwa kotjjaru loktäna, ucatsti Tatitojj inti jalsu toketa arum pakara wali thayt'ayanisasti kotjja payaruw jaljtayäna. Ucampis kotajja payaru jaljtasinjja waña orakeruw tucüna.

Éxodo 15:10

Ucampis jumajj may phust'asaw kotampi chhaktaytajja, jupanacasti plomo sat metaljamaw uma mathapi mankherojj chhakhantawayjjapjje.

Jeremías 51:16

Jach'at arsutapampiw umas alajjpachan khothutiraqui, kenayanacsti aca orake tucusitpachwa maqhatayaraqui, jallu taypinracwa k'ejjok'ejjonacsa khantayaraqui, cawqhantejj thayajj imantatäqui ucatpachwa apsuniraqui.

Amós 4:13

Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Números 11:31

Tatitojj mä thaywa jach'a kota toket thayt'ayanïna, ucatsti walja codornis sat jamach'inacwa apayanïna. Ucanacajj campamentoruw puripjjäna, uqhamarac thiyanacaparusa. Campamento muytasa mä uru saracamaruw uca jamach'inacajj puripjjäna; altorojj mä metrorjamaquiw thoknakapjjäna.