Mateo 12:41 - Qullan Arunaca

⁴¹ Nínive marcan jaquirinacasti taripäwi urunjja sartanipjjaniwa juchañchañataqui, cunapachatejj Diosajj jichha urunacan jakenacar taripcani ucqhajja juchañchaniwa. Nínive marcanquirinacasti arrepientisipjjänwa cunapachatejj Jonasajj Diosan arunacap parlcäna ucapachajja. Ucampis jichhajj Jonasat sipansa juc'ampi jach'aw acanqui.

Aymar Bibliia 1986

⁴¹ Nínive marcan jaquirinacasti taripäwi urunjja sartanipjjaniwa juchañchañataqui, cunapachatejj Diosajj jichha urunacan jakenacar taripcani ucqhajja juchañchaniwa. Nínive marcanquirinacasti arrepientisipjjänwa cunapachatejj Jonasajj Diosan arunacap parlcäna ucapachajja. Ucampis jichhajj Jonasat sipansa juc'ampi jach'aw acanqui.

Qullan Arunaka DC

⁴¹ Nínive markankir jaqinakasti, jichha urunakan jakirinakar juchañchiriw taripäwi urun sartanipxani; jupanakasti Jonasan yatiyäwip tuqiw Diosar kutikipstapxäna, ukampis jichhax Jonasat sipan juk'amp jach'ax mayniw akanki.

Mateo 12:41 Jak'a apnaqawi uñst'ayäwi

Isaías 54:17

ucampis jumar tucjañäquis uca armjja janiw qhitis jichhacam lurquiti. Qhitinacatejj jumar juchañchapcätam ucanacarojj amuct'ayätawa. Ucwa nayajj churta qhitinacatejj nayar sirvipquitu ucanacarojja: ‘Atipjäwi’ Tatituw ucjja arsu.

Jeremías 3:11

Tatitusti saraquituwa: “Nayataqui sayt'asir Israelasti yakhampi sarnaker Judät sipansa juc'a juchaniquiwa.

Jonás 1:2

“Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa.

Mateo 12:39

Jesusasti jupanacarojj sänwa: —Dios nayrakatan jan wali sarnaker jakenacajj mä unañcha mayipjje, ucampis janiw mayampis unañchajj lurascaniti, jan ucasti Jonasan unañchapaquiw uñacht'ayasini.

Mateo 12:42

Uca quipcaraquiw Sabá marcanquir reinasa sartaniraquini taripäwi urunjja, cunapachatejj jichha urunacan jakenacar taripcani uc uñjañataqui, ucatsti juchañcharaquiniwa. Jupasti wali jaya marcatpachwa jutäna, Salomonan suma yatiñamp parlatap ist'iri. Ucampis jichhajj Salomonatsa juc'ampïquis ucaw acanqui.

Mateo 12:45

Uqham suma jicjjatasinjja, yakha pakallko jupat juc'amp jan wali ñankha ajayunacampwa irptani, ucatsti jupan ucaruw mantapjje jacasiñataqui. Uca jaken sarnakäwipajj nayra jacañapat sipansa juc'amp jan waliwa. Uca quicpawa aca jan wali jakenacampejj lurasiraquini.”

Mateo 12:6

Nayasti sapjjsmawa, acanjja utjiwa uca templot sipansa juc'amp jach'a.

Mateo 16:4

Dios nayrakatan jan wali sarnaker jakenacajj mä unañcha mayipjje, ucampis janiw mayampis unañchanacajj lurascaniti, jan ucasti Jonasan unañchapaquiw uñacht'ayasini” sasa. Uca jan wali arquiri jakenacar jaytanucuwayasinjja sarawayjjänwa.

Mateo 17:17

Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Mateo 23:36

Khanacwa sapjjsma, take aca luräwinacatjja jumanacaw juchañchatäpjjäta jichhür jacapctas ucanacaru.

Lucas 11:32

Nínive marcan jaquirinacasti taripäwi urunjja sartapjjaniwa jichha urunacan jakenacar juchañchañataqui cunapachatï taripatäcani ucqhajja; Ninivenquirinacasti juchanacapatjja arrepientisipjjänwa cunapachatejj Jonasajj Diosan arup yatiycän ucqhajja, ucampis jichhajj Jonasatsa juc'ampïquisa ucaw acanqui.

Juan 3:31

“Qhititejj alajjpachat jutqui ucajja take jakenacjjanquiriwa. Qhititejj acapachat jutqui ucajja, acapachanquiriwa, acapachan yänacapataracwa parli. Ucampis qhititejj alajjpachat jutqui ucajja take jakenacjjanquiwa.

Juan 4:12

Nanacan nayra Jacob awquejjaw aca phojjja jaytawayapjjetu; aca pachpa phujutwa jupajj umäna, uca pachparaqui wawanacapasa, uywanacapasa. ¿Jumasti jupat sipansa juc'ampïsmati? —sasa.

Romanos 2:27

Qhititejj janchipan jan circuncidatäqui, ucatsti Moisesan arunacaparjam sarnakcaraqui ucajja, jumarojj juchañchätamwa. Jumajj yatisctawa, Kellkatas utjascaractamwa circuncidatäscaractawa uqhampachas jan ist'atam laycuw juchañchätam.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.