Miqueas 3:8 - Qullan Arunaca

⁸ Ucampis nayarojja Tatitun ajayupaw phokt'itu, ch'amapampi, cheka cancañapampi, uqhamarac jan ajjsarañampi, uqhamat Israel marcaru Dios contra sayt'asitapa, uqhamarac juchapata khanañchañajjataqui.

Aymar Bibliia 1986

⁸ Ucampis nayarojja Tatitun ajayupaw phokt'itu, ch'amapampi, cheka cancañapampi, uqhamarac jan ajjsarañampi, uqhamat Israel marcaru Dios contra sayt'asitapa, uqhamarac juchapata khanañchañajjataqui.

Qullan Arunaka DC

⁸ Ukampis nayarux Tatitun ajayupawa, ch'amapampi, chiqa kankañampi, jan axsarañampi phuqt'itu, ukhamat Israel markaru Tatitur saykatatapata, jucha luratapatsa qhankatañaxataki.

Miqueas 3:8 Jak'a apnaqawi uñst'ayäwi

Job 32:18

Parlañajjajj waliw utji, janiw amuct'irjamäcaractti.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Isaías 61:2

Tatitun suma amtäwip mara yatiyiri, cawquïri uruntejj jiwasan Diosasajj uñisirinacasata phoksuscani ucqha. Take llact'atanacar chuymachiriw qhitanitu,

Jeremías 1:18

Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Jeremías 6:11

Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Ezequiel 16:2

“Jumasti, chacha, Jerusalén marcarojj uñacht'ayam uca ajjtascañ luräwinacapa.

Ezequiel 20:4

Jumajj uca jakenacarojj juchañcham; cuna ajjtascañ luräwinactejj awquinacapajj lurapcän ucanaca jupanacarojj yatiyaraquim.

Ezequiel 22:2

“Jumasti chacha, jake jiwayiri marcataquiw jichhajj arsüta. Cuna ajjtascañ luräwinactejj lurapqui take ucanacatwa juchañchäta.

Ezequiel 23:36

Tatitusti saraquituwa: “Jumasti chacha, ¿Ahola, uqhamaraqui Aholiba ucanac toke juchañchäwi arunac arsusmati? Uqhamächi ucapachasti ajanuparu khant'am uca ajjtascañ luräwinacapjja.

Ezequiel 3:14

Diosan ch'amapaw nayarojj sayt'ayitu ucatsti uca chekatsa apsuniraquitu, nayasti wali llact'ata mayjt'ataw sarjjaracta, ucañcamasti Tatitojj amparapampiw wali waythapiraquitäna.

Ezequiel 43:10

Jumasti, jichhajj take israelitanacarojj yatiyaraquim cuntejj nayan templojjan uñjctas take ucanaca, planonacapatsa, take tupt'atanacapatsa, uqhamat take juchanacapat p'enkasipjjañapataqui.

Mateo 7:29

Jupasti jach'a jilïr jakjamawa yatichäna, janiw jupanacan leyip yatichir jakenacjamäcänti.

Marcos 3:17

Jacobompi, Juan jilapampi; jupanacasti Zebedeon yokanacapänwa. Ucanacarojj Boanerges sasaw sutichäna, ucajj “Khejjokhejjon wawanacapa” sañ muni.

1 Corintios 2:4

Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,