Jeremías 9:4 - Qullan Arunaca

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Aymar Bibliia 1986

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Qullan Arunaka DC

4 (3) Mä jilat masirus janiw alkatasiñjamäkiti; pachpa jilarus janirakiw alkatasiñjamäkiti, jilapuras jupanakpachaw lunthatjasipxi, jila masinakas jupanakkamaw k'arintasipxi.

Jeremías 9:4 Jak'a apnaqawi uñst'ayäwi

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 15:3

qhititejj jake masipar jan c'arintqui uca, jilaparus ñankha jan lurqui uca, uta jac'a masiparus jan jisc'achqui uca,

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Proverbios 25:18

Qhititejj amigop contra parlqui ucan c'ari arunacapajja, c'uphañar uñtata, espadar uñtata, wali arini flechjamaraquiwa.

Proverbios 4:16

Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Proverbios 4:17

¡Jupanacan mank'apasa, umañapasa ñankha lurañampi tucjasiñampiquiwa!

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Proverbios 6:19

c'ari ircatirit sarnakañanacaru, jila pura ch'ajjwañanacaru.

Isaías 59:13

Tatitutaquiw sayt'astanjja, chuymanacasansti janiraquiw jupatacjamäctanti, Diosasarusti janiraquiw arcañ muncayätanti, jaker nuwañampita jan wali lurañampitacpunwa parlascayätanjja, mayninacar sallkjañataquiquiw take cunsa amtascäyätanjja.

Isaías 9:16

Jilïrinacasti aca marcarojj maysaruw irpanucupjje, mä irpiri thakerinacasti maysar saranucusin chhakapjjaraqui.

Jeremías 12:6

Pachpa jilanacamawa, cawquïrinacatejj familianacamäqui ucanacaw jumataquejj sartapjje, khepäjjamatsti jan wali arunacampiw arnakanipjjaractam. Jupanacarusti janipun alcatasimti, suma arunacampi parlapcchïtam ucasa.

Jeremías 6:28

Tata, take jupanacajj wali khorunacäpjjewa; jakjjata parlasiri ñankha jakenacäpjjewa; hierrot sipansa, broncet sipansa sinti ch'ullkhëpjjewa.

Jeremías 9:8

Lajjranacapasti venenoni flechanacjamäpjjewa; c'arinacaraqui parlasipqui. Amigonacaparojj wali suma aruntt'apjje, ucampisa sipitanacacwa khanpachajja uchasipqui.

Ezequiel 22:9

Yakhepa jakenacamasti, c'arinac parlapjjatap laycojja juchanïpjjewa mayninacan jiwaratanacapatjja; cuna jach'a mank'äwinacatejj kollu patanacan utjqui uca c'ari diosanacar yupaychasina, uca mank'äwinacarusa sarapjjaraquiwa, ajjtascañanaca lurapjjaraqui.

Levítico 19:16

“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.

Malaquías 2:10

¿Janiti jiwasasti mä sapa awquiniquïctansti? ¿Janiti mä sapa Diosan uscutäctansti? ¿Cunataraqui jiwasasti maynit maynicama sallkjasisa sarnakasctansti, uqhamaraqui cawquïri suma arust'äwirutï Diosampi awquinacasampejj mantawäpqui uca arunac p'aquintasajja?

Mateo 10:17

Amuyasipjjaraquim, jakenacajj jilïr autoridadanacaruw catuyapjjätam, ucatsti sinagoganacanracwa jawk'jayapjjätam.

Mateo 10:21

“Jakenacasti jilanacaparuw jiwayañataqui catuntayaraquini, awquinacasti wawanacaparuraquiw catuntayaraquini; wawanacasti uca quipcaraquiw awquinacaparojj jiwayañataqui catuntayaraquini.

Lucas 21:16

Jumanacasti aljantatäpjjätawa awquinacamana, jilanacamana, familianacamana, uqhamarac amigonacamansa. Yakhepanacarojj jumanacatjja jiwayapjjaraquiniwa.

1 Tesalonicenses 4:6

Aca luräwinjja jan qhitis jilapar sallkjpati, Tatitojj walwa mutuyi aca luräwinacatjja, cunjämtejj ewjjt'apjjsma uqhama.