Proverbios 4:16 - Qullan Arunaca

¹⁶ Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Aymar Bibliia 1986

¹⁶ Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Qullan Arunaka DC

¹⁶ Uka jaqinakax jan wal lurasax janiw samarapkiti; jaqi masipar jan aynacht'ayasax, janiw ikthapipkisa.

Proverbios 4:16 Jak'a apnaqawi uñst'ayäwi

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Salmos 36:4

iquiñapan iquintataw jan wali lurañanac amti, ñankha lurañ thaquir chincatatawa, janiw ñankha lurañ apanucuñ munquiti.

Proverbios 1:16

Jupanacasti janc'aquiwa ñankha lurañ munapjje, ¡masinacaparus janc'aquiw jiwayañsa munapjjaraqui!

Proverbios 2:14

jupanacasti jan walinac lurañanwa cusisipjje, ñankhanac lurañanwa cusisipjjaraqui.

Proverbios 4:15

Thaquipan sarnakañjja jan munamti; jupanacatjja jithektam, ucatsti nayrakataru sarantam.

Isaías 57:20

Ucampis khoru jakenacajj mä khothutir kotar uñtatäpjjewa, janiraquiw amuct'irjamäpquiti, mathapinacapasti ñek'empi cunayman k'añunacampwa willsuniraquejja.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Miqueas 2:1

“¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Lucas 22:66

Cunapachatï uröjjän ucapachajj judionacan jilïri jakenacapampi, sacerdotenacan jilïrinacapampi, ley yatichirinacampiw tantacht'asipjjäna, ucat Jesusarojj Jach'a Tantachäwiruw apapjjäna, ucansti aqham sasaw jisct'apjjäna:

Juan 18:28

Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Hechos 24:7

Ucampis Lisias comandantewa arjjatasi, ucatsti nanacatjja munquir jan munquirwa apakanipjjetu.

2 Pedro 2:14

Mä warmirus janiraquiw alekaqui uñtapquiti, janiraquiw jucha lurañatsa karjasipcaraquiti. Pisi amuyt'aninacarusti jupanac chicaraquiw juchjj lurayapjje, wali mich'äpjjaraquiwa; ñankha jakenacäpjjapuniwa.