Proverbios 6:16 - Qullan Arunaca

¹⁶ “Tatitojj sojjta jan walinacaruw uñisi; ucat juc'ampisa pakallkcama:

Aymar Bibliia 1986

¹⁶ “Tatitojj sojjta jan walinacaruw uñisi; ucat juc'ampisa pakallkcama:

Qullan Arunaka DC

¹⁶ Tatitux suxta jan walinakaruw uñisi; paqallqüristi jupatakix jan walipuniwa:

Proverbios 6:16 Jak'a apnaqawi uñst'ayäwi

2 Reyes 21:16

Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

Job 5:19

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Salmos 11:5

Tatitojj juchanirus, jan juchanirus uñch'uquisquiwa, ñankha lurañ munirinacarusti walpun uñisi.

Salmos 5:7

Ucampis nayajj jach'a munasiñam laycuw kollan utamarojj mantä, kollan utam mankhansti alt'at chuymampiw yupaychäma.

Proverbios 11:1

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.

Proverbios 11:20

Jan wali amtäwini jakenacarojj Tatitojj janiw munquiti, ucampis jupajj munasiwa asqui lurasa sarnakeri jakenacarojja.

Proverbios 12:22

Tatiturojj c'ari parlirinacajj ajjtasiyiwa, ucampis cheka parlirinacajja cusisiyiwa.

Proverbios 17:15

Walwa Tatitojj uñisi aca paya luräwinacaru: jucharar jaker asquit uñt'aña, asqui jaker juchañchaña.

Proverbios 20:10

Tatiturojj c'ari pesanacasa jisc'aptayat tupuñanacasa ñankhachiwa.

Proverbios 20:23

Tatiturusti jan phokhat pesanacasa, uqhamarac c'ari balanzanacasa ñankhachiwa.

Proverbios 21:4

Jach'a jach'a tucuñasa, amtañasa, jan walinac lup'iñasa, juchawa.

Proverbios 3:32

Tatitusti jan wali luririnacarojj janiw munquiti, ucampis jupajj asqui jakenacampiwa parlasi.

Proverbios 30:18

Quimsaw, uqhamarus pusicamawa, nayataquejj wali muspharcañanaca, uqhamarac jan amuyt'cayaraqui:

Proverbios 30:21

Quimsa casta jakenacawa utjapjje, uqhamarus pusicama, jupanacajj jan walinac lurapjje mä marcarus qhatatiyapjjewa:

Proverbios 30:24

Aca orakenjja pusi jisc'a animalanacaw utji, ucanacasti yatiñan jakenacat sipansa juc'amp yatiñanïpjjewa:

Proverbios 30:29

Quimsa jan ajjsaririnacaw utji, uqhamarus pusicama munañan cancañamp sartiriraqui:

Proverbios 6:15

Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.

Proverbios 6:17

Jach'a jach'a tucuñanacaru, c'ari parlañanacaru, jan juchani jake jiwayañanacaru,

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Jeremías 26:15

Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Amós 1:11

Aqham siw Tatitojja: “Edom marcanquir jakenacajj wali ñankhanacpuni lurapjje, ucatsti janiw jan mutuyatäpcaspati, Israelita jilanacaparu jan qhuyapt'ayasisa espada ayt'ata arcnakapjjatap laycu. Jach'a colerasiñapasa, uñisiñapasa jilapataquejj jan tucusquirïnwa.

Amós 1:3

Aqham siw Tatitojja: “Damasco marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Galaad marcanquirinacarojj fierro jawc'añampi jawc'supjjatapata.

Amós 1:6

Aqham siw Tatitojja: “Gaza marcanquir jakenacajj wali ñankhanacpuni lurapjje, ucasti janiw jan mutuyatajj kheparapcaniti, mä marcpacharu catuntasina Edom marcana esclavonacapat aljarapjjatapata.

Amós 1:9

Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Amós 2:1

Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Zacarías 8:17

jani jan wali lurasipjjamti maynit maynicamajja, janiraqui c'ari juramentsa lurapjjamti, nayasti uñistwa take ucanaca. Naya Tatituw arstjja.”

Deuteronomio 23:18

Janiraqui jumanacajj catokapjjamti Tatitu Diosaman templopanjja uca k'añu sarnakañan jicjjatat kollkenacjja, take uqhama lurañanacajj Diosaru ajjtasiyatap laycu.

Deuteronomio 24:4

ucapachasti uca nayra chachapajj janiw uca warmimpejj casarasiñ puedquiti, jupan jan k'omätap laycu, ucampis ucajj Diosataquejj mä ajjtañ luräwïspawa, ucatsti jumanacajj janiw jisc'achayapjjätati cawquïri oraktejj Tatitu Diosamajj catuyapctam ucarojja.

Deuteronomio 25:16

Diosataquejj uqham luririnacajj ajjtascañätap laycu, uqhamaraqui jan cheka cancañan sarnakerinacasa.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.