Proverbios 6:15 - Qullan Arunaca

¹⁵ Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.

Aymar Bibliia 1986

¹⁵ Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.

Qullan Arunaka DC

¹⁵ Ukat jupatak jan walt'añax akatjamat purinini; mä ch'ipxtanak q'ala tukjat uñjasini.

Proverbios 6:15 Jak'a apnaqawi uñst'ayäwi

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Salmos 50:22

Diosat armasirinaca, sum ist'apjjam, ucatarac k'al tucjasipquirisma; janirac qhiti arjjatirs jicjjatasisipcasma;

Salmos 55:15

Jiwajj acatjamat timanacajjar catuntpan. ¡Mankhapacharojj jacquirpach mantapjjpan, ñankhajj chuymanacapan tapachrantatawa!

Proverbios 1:26

¡Nayajja larusiraquïwa cunapachatï jan walt'añajj jumanacaru catuntapcätam ucqhajja! ¡Nayajj sawcasiraquïwa cunapachatï ajjsarañajj jumanacar catuntapcätam ucqhajja,

Proverbios 1:27

uqhamarac cunapachatï jumanacar jutcani ajjsarañanacasa, jan walt'añanacasa, llaquisiñanacasa, aykoñanacasa, mä take tucjiri jach'a tutucjama ucqhajja!

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Proverbios 24:16

asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Proverbios 24:22

Jupanacan tucusiñapajj acatjamatwa purinini, ucatsti Diosampi, reyimpi mutuycani ucjja janiw qhitis yatquiti.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Jeremías 19:11

Ucatsti saraquim: ‘Take ch'amani Tatitojj aqham siwa: Aca jakenacarusti aca marcanjja jisc'a jisc'a tucjaraquï, cunjämatejj mä jakejj mä uma wayuchjja jisc'a jisc'a t'unjejj uqhama, ucatsti uca wayuchjja janiw qhitisa juc'ampi asquichcjjaspati. Jakenacasti jiwatanacapjja Tofet sisqui uca chekanwa imasipjjani, jan juc'ampi yakha chekajj imañataqui utjcjjatap laycu.

Ezequiel 11:13

Nayan uqhama Tatitun sutipjjaru parlañajjcamasti, Benaniasan yokapa Pelatías jakesti jiwataw liwnoktawayi. Nayasti p'ekejja orakeru puriyañcamaraquiw alt'asta, wali jach'at art'aracta aqham sasa: “¡Ay Tata! ¿Israelat mä juc'a jilt'irinacarojj tucjaraquïtati?” sasa.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.