Jeremías 39:9 - Qullan Arunaca

Kheparusti, Nabuzaradán sata jach'a jilïri comandantesti, preso apjjaraquïna qhitinacatejj marcaru kheparapcatayna ucanacaru, uqhamaraqui cawquïrinacatejj caldeonacaru jakcatjjapjjatayna ucanacsa; uqhamaraqui take jakenacsa.

Aymar Bibliia 1986

Kheparusti, Nabuzaradán sata jach'a jilïri comandantesti, preso apjjaraquïna qhitinacatejj marcaru kheparapcatayna ucanacaru, uqhamaraqui cawquïrinacatejj caldeonacaru jakcatjjapjjatayna ucanacsa; uqhamaraqui take jakenacsa.

Qullan Arunaka DC

Qhiparusti, Nebuzaradán sata uñjirinakapan jach'a jilïripasti, khitinakatix markar qhiparapkatayna ukanakarux katuntat apxäna, uka kipkarak kawkïrinakatix babilonionakar jaqkattxapxatayna ukanakarusa.

Jeremías 39:9 Jak'a apnaqawi uñst'ayäwi

Génesis 37:36

Egiptor purisinsti, madianita jakenacajj Josearojj Potifar sat oficialaruw alj-jjapjjäna, jupasti Egiptonquir faraón reyin guardiapan capitanapänwa.

2 Reyes 20:18

Uqhamaraquiw jumata sarakeri yakhep jakenacaru Babiloniaru apasjjapjjani, jupanacarojj capsusinwa reyin palacioparu uywatanacat uchapjjani’ —sasa.

2 Reyes 25:11

Ucatsti Nabuzaradán capitanapajja preswa Babiloniaru apäna marcana kheparapcäna uca jakenacaru, uqhamarac Babilonianquiri reyiru jakcattapcäna uca jakenacamppacharu, uqhamarac jilt'ir amparamp irnaker jakenacarusa.

2 Reyes 25:20

Nabuzaradán capitanasti take aca preso jakenacjja Babilonianquiri reyin ucaruw apäna; jupasti Hamat orakena Ribla chekancascänwa. Qhayanwa reyejj ucanacaru jiwayayäna. Uqhamawa Judá orakenquir jakenacajja orakepata jayar apanucutäpjjäna.

Isaías 5:13

Ucatpï jichhajj jan amuyt'añ munapjjatamata, marcajjajj jayar apanucutänejja. Marcpacharaquiwa jilïrinacapampi chica mank'atsa, umatsa jiwarapjjani.

Jeremías 10:18

Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca:

Jeremías 16:13

Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Jeremías 24:8

“Ucampisa Judá oraken Sedequías reyiparusti, jilïrinacaparusa, Jerusalenan jaquirinacarusa, qhitinacatejj aca orakeru kheparapqui, jan ucajj Egiptoru sarasinsa suma utjasjjapjje ucanacarojja, uca jan wali higonacarjamaw uñjaraquï, cawquïri higonacatejj jan walïtap laycojj ni mank't'añjamäquisa ucanacarjama.

Jeremías 38:19

Sedequías reyisti ucjjarojj saraquïnwa: —Cawquïri judionacatejj caldeonacan amparanacapancjje ucanacaruw nayajj ajjsarta; nayatejj jupanacan amparanacapan uñjasï ucapachasti jupanacajj nayarojj walwa nuwjapjjetani —sasa.

Jeremías 40:1

Tatitusti Jeremías chacharuw parläna, cunapachatejj guardianacan comandantepa Nabuzaradán sat chachajj Jeremiasaru antutnucjjäna Ramá sat orakena ucapacha. Nabuzaradán sat comandantesti Jeremiasarojj preso uqhamaraqui cadenanacampi ñach'antatwa jicjjatatayna, Jerusalén jakenac taypinjja, uqhamaraqui Judá jakenac taypinsa qhitinacatejj Babiloniaru preso apatäñataqui waquichatäpcän ucanac taypina.

Jeremías 40:7

Cunapachatejj comandantenacasa, uqhamaraqui soldadonacasa Judea orakena kheparcatayna, Judá ejercitota uca chekaru jilt'apcatayna pampa tokenacana, ucanacasti Babilonianquiri reyejj Gedaliasaru uca marca apnakañapataqui utt'ayatapa ist'asinsti, uca Gedaliasajj Ahicam sat jaken yokapänwa, uqhamaraqui take chachanacasa, warminacasa, wawanacasa cawquïrinacatejj Babiloniaru jan apatäpcän ucanacaru apnakañapataqui utt'ayatätapa ist'asinsti,

Jeremías 52:26

Nabuzaradanasti take ucanaca caturasinjja Babilonia marcanquiri reyin nayrakataparuw aparaquïna, uca reyisti Ribla sisqui uca chekancascaraquïnwa, Hamat orakena. Ucanwa Babilonianquiri reyejj ordenaraquïna uca jakenacajj jiwarayatäpjjañapataqui. Uqhamaw Judá marcajj orakepatjja jaya marcaru apanucuta uñjasïna.

Daniel (hebreo) 2:14

Uqhamasti Daniel waynajj wali amuyumpi wali ch'iqhi cancañampiw reyin guardiapan jilïripa, Arioc sat jakempejj parläna, uca Arioc sat jakesti niyaw waquichasiscaraquïna take yatiñani jakenacaru jiwarayañataqui.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Deuteronomio 4:27

Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.