Levítico 26:33 - Qullan Arunaca

³³ Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Aymar Bibliia 1986

³³ Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Qullan Arunaka DC

³³ Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Levítico 26:33 Jak'a apnaqawi uñst'ayäwi

1 Reyes 8:46

“Juma nayrakatantï jucha lurapjjaraquini ucajja, janiw qhitis jan jucha lurirejj utjquiti uca laycu, ucatsti jumajj jupanacampi colerasitam laycojja uñisirinacaparu catuyäta preso catuntayasina jaya marcar apatäñapataqui jayarusa jac'arusa ucqhajja,

2 Reyes 25:9

Jupasti ninampiwa naqhantayäna temploru, reyin palacioparu, uqhamarac marcan utanacarusa, jilt'atpuni tucjänjja wali aytata jakenacan utanacapa.

2 Crónicas 7:19

Ucampis jumanacatejj nayat sarakapjjetäta, janiraqui leyinacajjsa, ewjja arunacajjsa churapcsma ucanac phokhapcätati, jan ucasti yakha diosanacaruraqui sirvipjjäta, yupaychapjjaraquïta ucajja,

Nehemías 1:3

Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Nehemías 1:8

Amtasiraquim cunjämtï nanacaru yatiycäyäta, nanacatejj juch lurapjjerista ucajj aca orakpacharu ananucupjjetasma ucjja;

Ester (hebreo) 3:8

Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.

Salmos 106:27

allchhinacapar jiwarayañataqui, yakha marcanac taypir ananucuñataqui.

Salmos 44:11

Qhariñ ovejanacarjamaw amparapar catuyapjjesta, Diosar jan uñt'ir marcanac taypiruw anatatapjjaraquista.

Salmos 44:12

Wali irakataruw marcamarojj aljanuctajja, aljatampisti janiw cuns jicjjatctati.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 13:24

Ucatpï jumanacarojj ananucupjjämajja, cunjämtejj wasara thayajj t'unanaca willitatejja uqhama.

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 8:3

Aca ñankha jakenacatjja, cawquïrinacatejj kheparasipqui, nayajj ananuccta ucatjja, cawqhantejj jicjjatasipjjani uca chekanjja jiwarañacwa munjjapjjani jacañat sipansa. Naya take ch'amani Tatituw arsta.

Jeremías 9:16

Cawquïr marcanactejj awquinacapasa ni jupanacasa uñt'apqui uca marcanac tokeruw ananucuraquï; espada ayt'ataraquiw jupanacarojj arcnakayä, jan maynis kheparañapcama.”

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Lamentaciones 4:15

“¡Sartapjjam, sartapjjam! ¡K'añu jakenacawa, jan llamct'apjjamti” sasaw arnakasipjje! “Muyuycu jakenacawa, janiw acan jacapcaspati” sasaw yakha marcanquir jakenacas arnakasipjje.

Lamentaciones 4:16

Tatitun jupanac taypincatapaw k'ala t'unji, janiraquiw Tatitojj jupanacaru uñtancjjeti. Sacerdotenacataquisti janiw ajjsart'añajj utjcjjänti, chuymani jakenacatsa janiraquiw qhuyapt'ayascjjapjjänti.

Ezequiel 12:20

Take marcanacasti, cawquïrinacantejj jakenacajj jacapqui ucanacasti t'unjatäniwa; aca marcasti wasararu tucuyataraquïniwa. Ucapachaw jumanacajj yatipjjäta nayan Tatitütajja’ ” sasa.

Ezequiel 20:23

Wasaransti jupanacarojj juramentompiw arsuraquïyäta, take marcanac taypiru ananucuñataqui,

Ezequiel 22:15

Take marcanacaruw ananucuraquïma, take tokeruwa ananucuraquïma, k'añunacamatsa k'alwa k'omachsuraquïma;

Ezequiel 5:2

Cunapachatejj marcaru nuwantañajj tucusjjani ucqhasti uca quimsatjja maynïri naqhantayam, marca taypina; ucat mä espada caturaquim, ucatsti uca quimsatjja mä chicata ñic'utanaca qhuchhunokaraquim, uca ñic'utanacjja marca muytata uscuraquim. Jilt'äqui ucsti thayaru willjjaruyam. Nayaw uca jakenacan khepapa sararaquï mä espada ayt'ata.

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Amós 9:4

Wasararus uñisirinacapan apata sarasipcpan, espadaruw qhitaraquëjja jiwarayaniñapataqui. Janiw sumäquis ucataquejja, jan ucasti jan walitaquipuniw uñjäjja.”

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Deuteronomio 4:27

Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.