Levítico 26:33 - Qullan Arunaka DC

³³ Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Aymar Bibliia 1986

³³ Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Qullan Arunaca

³³ Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Levítico 26:33 Jak'a apnaqawi uñst'ayäwi

1 Reyes 8:46

“Diosaxay, taqiniw juchararäpxta, markamatix juma nayraqatan jucha lurani, ukatsti jumax jupanakatak q'apisitam layku uñisirinakapan amparapar katuyarakïta, katuntat jaya markarusa, jak'a markarusa apatäñapataki,

2 Reyes 25:9

jupasti ninampiw Tatitun utap nakhantayäna, ukhamaraki reyin utapampi, markan utjir utanakampi, juk'ampisa wali aytat jaqinakan taqpach utanakapampi,

2 Crónicas 7:19

Ukampis jumanakatix nayat saraqapxitäta, janirak kawkïr kamachinaktix churapksma ukanakarus phuqhapkäta, jan ukasti yaqha diosanakar luqtapxäta, yupaychapxarakïta ukaxa,

Nehemías 1:3

Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Nehemías 1:8

Moisesar yatiykäyäta uka arunakat amtasim, nanakatix juch lurapxirista ukaxa, wali jaya markanakaruw ananukupxitasma;

Ester (hebreo) 3:8

Ukatsti Amán chachax Asuero reyir akham säna: —Jach'a munañan rey, apnaqäwiman utjir suyunakam taypinxa, yaqhaqtat mä markaw utji, kamachinakapas yaqha markanakat sipan mayjawa, juman arsutamarux janiw phuqhañ munapkiti. Jach'a munañan rey, markam taypin uka markan jakañapax janiw kunatakis askïkiti.

Salmos 106:27

wawanakapar jiwarayañataki, yaqha markanak taypir ananukuñataki.

Salmos 44:11

11 (12) Khariñ ovejanakarjamaw amparapar katuyapxista; Diosar jan uñt'ir markanak taypiruw anatatapxista;

Salmos 44:12

12 (13) wali iraqataruw markamarux aljanuktaxa, aljatampisti janiw kuns jikxatktati.

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 13:24

Ukatpï jumanakarux ananukupxämaxa, kunjämtix wasar thayax wichhurux q'al willitatki ukhama.

Jeremías 15:4

Taqi kunanaktix jupanakar lurkä ukanakatsti yaqha markanakampix axtasiyäwa, Judá uraqinkir reyipa, Ezequiasan Manasés yuqapan Jerusalén markan jan wali luratanakap layku.

Jeremías 31:10

“Markanaka, Tatitun arunakap ist'apxam, jach'a quta jaya thiyanakan yatiyapxam: ‘Tatitux Israel markarux ananukünwa, ukampis jichhax tantachthapxaniwa, ukatsti sumarak uñjani, awatirir uñtataw ovejanakap sum uñjasxani” sasa.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Jeremías 8:3

Uka ñanqha jaqinakat qhiparirinaksti, aka uraqpacharuw ananukü, jupanakax jakaskañat sipansa, jiwañak munxapxani. Naya, taqi ch'amani Tatituw ukham arsta.

Jeremías 9:16

16 (15) Ukatsti kawkïr markanaktix awkinakapasa, jupanakasa jan uñt'apki uka markanakaruw ananukurakï; espadas ayt'ataw jupanakar arknaqayä, taqinin jiwarañapkama.”

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Lamentaciones 1:3

T'aqhisiñanakampitsa, ch'ama tukuñanakampitsa, jichhax Judá markax katuntat apatawa. Khititix nayrax markanak taypin apnaqir markäkäna ukasti, jichhax janiw samarañ jikxatkxiti. Jupar arknaqirinakasti, jikxatapxiwa, jan walt'añan uñjasiyapxaraki.

Lamentaciones 4:15

“¡Jithiqtapxam, jithiqtapxam, q'añu lurir jaqinakawa, jan llamkt'apxamti!” sasaw arnaqasipxi. Yaqha markankir jaqinakas “muyuyku jaqinakawa, janiw akan jakapkaspati” sasaw arnaqasipxaraki.

Lamentaciones 4:16

Tatit pachpaw jupanakar q'al ananuku, janirakiw mayampis jupanakar uñkatkxiti. Sacerdotenakar axsartañax janiw utjkxänti, jilïr jaqinakar khuyapt'ayasiñas utjkxänti.

Ezequiel 12:20

Jaqinakan phuqt'ata markanakax q'ala t'unjatäniwa; aka markasti ch'usa wasarar tukuyatarakïniwa. Ukapachaw jumanakax yatipxäta, nayan Tatitütaxa’ ” sasa.

Ezequiel 20:23

Wasaransti jupanakarux juramentompiw arsurakïyäta, taqi markanak taypiru ananukuñataki,

Ezequiel 22:15

Taqi markanakaruw ananuküma, ukhamat juchanakam q'umachsurakïma;

Ezequiel 5:2

Jerusalén markax katuntat uñjaskani ukkhasti, uka kimsar jaljat ñik'utxa, mayïrxa marka taypir sarasin ukan nakhantayam; mayïrsti, mä espadampi khuchhunuqas marka muytpachar willtanim, ukat jilt'äki uksti thayarurak willxaruyam. Nayasti markankir jaqinakan qhipap sarä, mä espadas ayt'ata.

Oseas 9:6

Jumanakax t'unjatäñat jaltxapxäta ukaxa; Egiptonkirinakaw katurapxätam, ukatsti Menfis chiqar allintatäpxätawa. Qullqit lurat yänakamasti itapallumpi phuqhantatäniwa, utjäwinakamansti ch'aphinakaw jilantarakini.

Amós 9:4

uñisirinakapas yaqha markar katuntat apasipkpan, ukansa espadampi jiwarayatäpxañapatakiw mayirakïxa. ¡Jupanakarux uñch'ukiskakïwa, nayranakaxax jan walitakiw jupanak uñch'ukini, janiw askitak uñch'ukkaniti!”

Zacarías 7:14

Ukatpï nayax mä jach'a tutuka thayampjam jupanakar uksar aksar apanuktxa, jan uñt'apkäna uka markanak taypiru, uka qhipatsti uraqipax mä ch'usa wasarar tukutaw qhiparxäna, ukansti janiw khitis jakirjamäkxänti. ¡Jupanakan juchanakap laykuw ukkha suma markax q'ala tukjata, laqayaki qhiparäna!”

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Deuteronomio 4:27

Tatitusti jumanakarux taqi markanakaruw ananukupxätam, ukatsti mä juk'anikirakiw jumanakat uka markanakan jilt'ani.

Santiago 1:1

Naya Santiago, Jesucristo Tatitu Diosan luqtiripa, Israelan tunka payan ayllunakaparu, aka uraqpachan ch'iqitatatäpki ukanakaruw aruntanipxsma.