Jeremías 39:8 - Qullan Arunaca

⁸ Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Aymar Bibliia 1986

⁸ Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Qullan Arunaka DC

⁸ Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.

Jeremías 39:8 Jak'a apnaqawi uñst'ayäwi

2 Reyes 25:8

Cunapachatï Babilonianquiri Nabucodonosor reyejj tunca llätuncani mara apnakascäna, pheskëri phajjsita pakallk uru sarakataru, ucqhawa reyin Nabuzaradán capitanapajja Jerusalenaru purinïna, jupasti reyin palaciopana capitanapänwa.

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Nehemías 1:3

Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Salmos 79:7

Jupanacaw Jacobon marcaparojj mank'antapjje, utanacap t'unjapjjaraqui.

Isaías 5:9

Take ch'amani Tatitusti juramentompiw nayar situ: “Walja utanacaw t'unjatäni, jach'anacäscpasa, kawkha sumäscpasa, janiw qhitis ucanjja jacjjaniti.

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 34:2

“Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 37:10

Jumanacajj caldeo jakenacarojj k'alsa atipasipcasmawa, jiwarayasipcaraquismawa, uqhamaraqui nuwasïwi chekansti mä kawkha usuchjata jakenacaquisa kheparjjapjjaspa ucasa ucanacajj sartanisinjja Jerusalén marcarojj ninampi phichcatawayasipcaquipunispawa.’ ”

Jeremías 38:18

Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati’ sasa.

Jeremías 5:10

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Lamentaciones 1:10

Uñisirinacaw Jerusalén marcan kamir cancañapjja catuntasjjapjje. Marcasti, jan Diosar uñt'ir jakenacan ch'amampi templor mantirwa uñjaraqui. ¡Cawquïri jakenacarutejj jumajj ‘Janiw nayan utajjar mantapjjätati’ siscta ucanacaw mantapjje!

Lamentaciones 2:2

Tatitojj Jacobun utanacapjja jan mayanwa pampa t'unjawayi, Judá marcana suma perkanacapsti, colerasiñapanjja janq'aquiw t'unjawayi. Marcarusa, uqhamaraqui jilïrinacaparusa pampa sarjayawayaraqui.

Lamentaciones 2:7

Tatitojj altarapjja apanucuwa, kollan utapsa jisc'acharaquiwa. Marcaru imiri jach'a perkanacsa uñisirinacan amparaparuw catuyaraqui. ¡Tatitun utapansti jakenacan arnakasitapaquiw ist'asi, mä fiesta urücaspasa uqhama!

Ezequiel 16:41

Utanacamsti ninampiw phichcatapjjaraquini, ucatsti jumarojj take warminac nayräjjanwa juchañchapjjaraquïtam. Jichhajj uca jucha lurañanacamjja tucusiyjjäwa, janiraquiw juc'ampi uca k'añu luratanacamatjja waynanacamarojj pagcjjätati.

Ezequiel 23:47

take jakenaca jupanacarojj kalampi c'upjasina, espadanacapampi jiwarayapjjpan; yokall wawanacapsa, imill wawanacapsa jiwarayapjjpan, utanacapsa ninampi phichhantayapjjaracpan.

Ezequiel 33:21

Tunca payani phajjsina, pheska uru sarakataru, tunca payani mara apanucutata sarakatarojja, mä jakew Jerusalén marcata jaltanjjasinjja nayan ucaru jutitu ucatsti yatiyaraquituwa, Jerusalén marcajj uñisirin amparaparu jalt'atapa.

Amós 2:5

Ucatwa Judá marcarojj ninampi phichcatäjja, uca ninasti Jerusalén marcan palacionacapsa k'alwa naqhantanejja” sasa.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”