Jeremías 39:8 - Qullan Arunaka DC

⁸ Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.

Aymar Bibliia 1986

⁸ Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Qullan Arunaca

⁸ Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 39:8 Jak'a apnaqawi uñst'ayäwi

2 Reyes 25:8

Babiloniankir Nabucodonosor reyin marka apnaqatapax, tunka llätunkan maränwa, phisqïr phaxsin paqallq uru saraqatarusti, uka reyin ejercitopan Nebuzaradán sat capitanapax Jerusalenaruw purinïna

2 Crónicas 36:19

Ukxarusti Diosan utap phichhantayäna, Jerusalén markan uyu pirqanakapsa tinkjayänwa, reyi utanakapsa ninampiw phichhantayäna, ukatsti taqi kunatix jila alani yänakäki ukanakxa q'al tukjayarakïna.

Nehemías 1:3

Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Salmos 79:7

Jupanakaw Israel markarux t'unjapxi, utanakap q'al tinkurayapxi.

Isaías 5:9

Taqi ch'amani Tatitusti juramentompiw nayar situ: “Walja utanakaw t'unjatäni, jach'anakäskpasa, qawqha sumäskpasa, janiw khitis uka utanakan jakkaniti.

Jeremías 17:27

Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 34:2

“Naya Tatitu, Israelan Diosapaw maysma, Judá uraqin Sedequías reyipar saniñamataki akham sasa: ‘Nayaw Jerusalén markxa Babiloniankir reyir katuyä, ninampi phichhantañapataki.

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 37:10

Jumanakax jumanakar nuwantir babilonionakarux q'alsa atipjasipkasma, uka nuwasïwi chiqansti mä qawqha usuchjat babilonionakakis qhiparxapxaspa ukasa, ukanakax sartanisin Jerusalén markarux ninampiw phichkatapxani.’ ”

Jeremías 38:18

Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Lamentaciones 1:10

Uñisirinakaw Jerusalén markan suma yänakap katuntasxi. Markasti, Diosar jan uñt'ir jaqinakan Tatitun utapar ch'amampi mantir uñjaraki, ¡kawkïr jaqinakarutix jumax: “Janiw nayan utaxar mantapxätati” siskta ukanakaw mantapxi!

Lamentaciones 2:2

Tatitux Jacobun utanakap jan mayan t'unjawayi; Suma Judá markan pirqanakapsti phiñasiñapan atipjataw q'al t'unjawayi; reyirux qunuñap apaqawayi, jilïrinakaparusti wal p'inqachjawayaraki.

Lamentaciones 2:7

Tatitux altarap apanukuwa, qullan utapsa jisk'achjarakiwa; markar jark'ir jach'a pirqanaksa uñisirinakan amparaparuw katxaruyi. ¡Tatitun utapansti mä phunchhäwi urükaspas ukhamaw jaqinakan arnaqasitapax ist'asi!

Ezequiel 16:41

Utanakamsti ninampiw phichkatapxani, ukatsti taqi warminak nayräxan jumar juchañchapxätam. Nayaw jichhax uka wachuqa jucha lurañanakam tukusiyä, janirakiw mayampis waynanakamarux uka wachuqa jucha luratanakamat qullqi churkxätati.

Ezequiel 23:47

taqi markpach jupanakarux qalampi k'upjasa, espadampi chhuqhuntas jiwayapxpan; yuqall wawanakapsa, imill wawanakapsa jiwarayapxpan, utanakapsa ninampi phichhantapxarakpan.

Ezequiel 33:21

Niya tunka payan maraw saraqxatayna Babilonia markar katuntat purinipkta ukkhatxa, ukat tunka phaxsina, phisqa uru saraqatarusti, mä jaqiw Jerusalén markat jaltanxatayna, jupasti Jerusalén markan uñisirin amparaparu jalt'atap yatiyitu.

Amós 2:5

Ukat Judá markarux ninampi phichhantä, uka ninaw Jerusalén markan jach'a utanakapsa q'al nakhantani.”

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.