Jeremías 16:13 - Qullan Arunaca

¹³ Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Aymar Bibliia 1986

¹³ Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Qullan Arunaka DC

¹³ Ukatpï jichhax aka uraqit jaya markar apayapxämaxa, kawkïr marktix jumanakasa, nayra awkinakamasa jan uñt'apkäna ukaru, ukansti uruy arumaw yaqha diosanakar yupaychapxäta, nayasti janiw jumanakat khuyapt'ayaskarakïti.’

Jeremías 16:13 Jak'a apnaqawi uñst'ayäwi

2 Crónicas 7:20

jumanacarojj apsupjjämaw cawquïr oraktejj jumanacaru churapcsma ucatjja, uqhamarac nayan nayrakatajjatsa apanucuraquïwa cawquïr templotejj nayajj yakhachascta ucjja, ucatsti aca chekjja sapa cuti larusitäñataquiw tucuyä take marcanac taypina.

Salmos 81:12

Ucat munañaparjam sarnakayta, munataparjamaw sarnakapjjaraquïna.

Jeremías 10:18

Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca:

Jeremías 14:8

Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 15:14

Uñisirinacaman esclavop tucuyaraquïma, jumajj jan uñt'ctas uca orakena, colerasiñajjasti ninjamaw aktaraqui, jumaru k'ala naqhantañataquejja.”

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Jeremías 16:5

Tatitusti saraquituwa: “Cawquïri utantejj maynin jiwatap laycu lutt'atäsipqui ucarojj jan mantamti; uca jiwatatjja jan jachamti ni llaquisiñamsa uñacht'ayaraquimti jupan jiwatapatjja. Aca marcatsti suman sarnakasiñjja jayaruw apakjjta, munasiñajjsa, qhuyapayasiñajjsa uqhamaraqui. Naya Tatituw ucjja arsta.

Jeremías 17:4

Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Jeremías 22:26

Ucatsti jumarusa uqhamaraqui taycamarusa cawquïri oraketejj jumanacaru nacirjja jan uñjapctamti uca orakeruw apanucupjjäma, ucanwa panpacha jiwarapjjaraquïta.

Jeremías 22:28

“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Jeremías 6:15

¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Deuteronomio 28:36

“Diosan munañapatwa jumasa, reyimasa yakha marcar apatäni, cawqha chektejj ni jumasa ni awquinacamasa uñjapquiti ucaru, uca chekansti yakha diosanacaruw yupaychapjjäta, lawata, kalat lurat diosanacaru.

Deuteronomio 29:28

Ucatsti jupanacarojj takpach colerasiñapampi, mayjt'asiñapampiw jakonucu, yakha marcanacar qhitanucusa, cunjämatï jichhüruna pasasqui uqhama’ sasa.