Jeremías 24:8 - Qullan Arunaca

⁸ “Ucampisa Judá oraken Sedequías reyiparusti, jilïrinacaparusa, Jerusalenan jaquirinacarusa, qhitinacatejj aca orakeru kheparapqui, jan ucajj Egiptoru sarasinsa suma utjasjjapjje ucanacarojja, uca jan wali higonacarjamaw uñjaraquï, cawquïri higonacatejj jan walïtap laycojj ni mank't'añjamäquisa ucanacarjama.

Aymar Bibliia 1986

⁸ “Ucampisa Judá oraken Sedequías reyiparusti, jilïrinacaparusa, Jerusalenan jaquirinacarusa, qhitinacatejj aca orakeru kheparapqui, jan ucajj Egiptoru sarasinsa suma utjasjjapjje ucanacarojja, uca jan wali higonacarjamaw uñjaraquï, cawquïri higonacatejj jan walïtap laycojj ni mank't'añjamäquisa ucanacarjama.

Qullan Arunaka DC

⁸ “Ukampis Judá uraqin Sedequías reyiparusa, jilïrinakaparusa, Jerusalén markan qhiparirinakarusa, jan ukax Egiptor sarasin suman utjasxapxi ukanakarusa, uka jan wali higonakarjamaw uñjarakï, ukham jan walïpxatapatxa, janiw manq'añatakis sumäpkiti.

Jeremías 24:8 Jak'a apnaqawi uñst'ayäwi

1 Crónicas 3:15

Josías chachan wawanacapasti acanacänwa: jilïristi, Johanán; payïristi, Joacim; quimsïristi, Sedequías; pusïristi, Salum ucanacaraqui.

Jeremías 13:7

Nayasti sarasinjja, uca cinturón thaktta cawqharutejj imantcäyäta ucqha. Jicjjatasinsti apsuniwayjjtwa, ucampisa uca cinturonajj k'ala ñusantatänwa, janiw cunataquis sirvcjjaraquïnti.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 24:2

Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Jeremías 24:5

“Naya, Israelan Dios Tatitupaw arsta: Judá marcarojj suma higo achunacarjamaw uñtäjja, caldeonacan orakeparu jupanacjja apanuccäyäta ucata. Jupanacarusti sumpunwa uñtaniraquëjja.

Jeremías 37:10

Jumanacajj caldeo jakenacarojj k'alsa atipasipcasmawa, jiwarayasipcaraquismawa, uqhamaraqui nuwasïwi chekansti mä kawkha usuchjata jakenacaquisa kheparjjapjjaspa ucasa ucanacajj sartanisinjja Jerusalén marcarojj ninampi phichcatawayasipcaquipunispawa.’ ”

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 43:1

Cunapachatejj Jeremiasajj tucuyjjäna cuntejj Tatitu Diosajj jakenacar sañapataqui siscatayna,

Jeremías 44:1

Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana: