Jeremías 17:2 - Qullan Arunaca Wawanacamasti amtasipjjewa altaranacatjja, uqhamaraqui kollana lawanacajj utjcäna ucanacatsa, jach'a kokanac c'uchuna, kollunac patana, Aymar Bibliia 1986 Wawanacamasti amtasipjjewa altaranacatjja, uqhamaraqui kollana lawanacajj utjcäna ucanacatsa, jach'a kokanac c'uchuna, kollunac patana, Qullan Arunaka DC Wawanakamasti uka altaranakata, uka qullan lawanakat amtasipxi, kawkïrinakatix jach'a quqanak k'uchunakana, qullunak patanakana, |
Ucatjja jupanacajj Tatitun templopjja apanucupjjänwa, nayra awquinacapan Diosaparu. Jupanacajj Asera diosan lantinacaparuwa yupaychapjjäna, uqhamarac yakha diosanacarusa. Uca jucha luratanacapatwa Tatitojj colerasïna Judá, uqhamarac Jerusalenataquisa.
Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.
Jupasti Ezequías awquipajj tucjaycäna uca yakha diosanacan santuario utanacapwa wasitat lurayäna; jupasti altaranacwa lurayäna Baal diosan lantinacapataqui, uqhamaraquiw Asera diosanac lurayaraquïna. Ucjjarusti jupajj yupaychänwa, uqhamaraquiw quillt'asiraquïna alajjpachanquir warawaranacaru,
jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.
Jumanacasti allthapipjjätawa altaranacapa kalata dios lurasitanacapsa t'unthapipjjaraquïtawa, uqhamarac kolluna lawanacapsa p'acthapipjjaraquïtawa.
Jumanacajj uca kokanacatjja pankar yapunacamatsa, cawquïrinacatejj wali cusisiyapctam ucanacatjja p'enkasipjjätawa, uca chekanacanwa yakha diosanacamarojj yupaychapjjayätajja.
Janiw uca urunacanjja cuntejj jakenacajj pachpa amparanacapampi lurasipcäna uca altaranacaru uñtjjaniti ni cunanacarusa. Janiw juc'ampi uca ajjsarañ c'ullunacar uñch'ucjjapjjaniti, ni uca altaranacarusa cawqhantejj inciensonaca diosanacaparu loktasipcänjja uca chekanacaru.
“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.
Kollunac pataru sarapjjatajjajj inamayaquiwa, uca kollunac patan arnakasitanacajjas inamayawa, khespiyiri Tatit Dios sapanacwa, Israelajj khespiyasiñjja jicjjatani.
Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.
Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.
Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.
“Ucatsti t'unjapjjaraquim take cawqha chekantejj uca marcanacajj yakha diosanacaru yupaychapqui uca chekanacana, kollunacana, jisc'a kollunacana, uqhamaraqui jach'a koka mankhanacansa.
Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.