Jueces 3:7 - Qullan Arunaca

⁷ Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

Aymar Bibliia 1986

⁷ Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

Qullan Arunaka DC

⁷ Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

Jueces 3:7 Jak'a apnaqawi uñst'ayäwi

1 Reyes 16:33

Ucjjarusti lurayaraquïna Asera uca yakha diosan lantipa, ucampisti Israelan Tatit Diosaparuw colerayäna, Israelana jupata nayra reyinacapat sipansa juc'ampi.

1 Reyes 18:19

Jichhasti jakenacaru qhitam, ucatsti take israelitanacaru tantachpan Carmelo sat kolluna, Baal diosan pusi pataca pheska tuncani profetanacaparu, uqhamarac Asera diosan pusi pataca profetanacaparusa, qhitinacarutejj Jezabelajj mank'ayqui ucanacaru.

2 Reyes 23:14

Ajjsarata kalanaca, lawanacsa jisc'a jisc'wa tucjaraquïna, ucatsti ucanacajj cawqhancapcäntejj ucqhanacarojja jake ch'aqhanacampiwa phokhantäna.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Crónicas 15:16

Ucjjarusti Asa reyejj Maaca sat awichapatjja apakayänwa reinanacan taycapa sat sutipa, jupajj Asera diosan mä lantipa lurayatap laycu. Asa reyisti uca idoljja jisc'a jisc'wa t'unjayäna, ucatsti Cedrón jawiranwa phuchcatayäna.

2 Crónicas 24:18

Ucatjja jupanacajj Tatitun templopjja apanucupjjänwa, nayra awquinacapan Diosaparu. Jupanacajj Asera diosan lantinacaparuwa yupaychapjjäna, uqhamarac yakha diosanacarusa. Uca jucha luratanacapatwa Tatitojj colerasïna Judá, uqhamarac Jerusalenataquisa.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

2 Crónicas 33:3

Jupasti Ezequías awquipajj tucjaycäna uca yakha diosanacan santuario utanacapwa wasitat lurayäna; jupasti altaranacwa lurayäna Baal diosan lantinacapataqui, uqhamaraquiw Asera diosanac lurayaraquïna. Ucjjarusti jupajj yupaychänwa, uqhamaraquiw quillt'asiraquïna alajjpachanquir warawaranacaru,

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

2 Crónicas 34:7

Tucjayänwa altaranacapa, Asera diosan lantinacapa, c'ari diosanacaru lak'a tucuyacama, ucatsti take Israel orakpachanjja tucjayänwa inciensotaqui lurat take altaranaca. Ucatsti Jerusalenaruw cutt'anjjäna.

Salmos 106:35

Diosar jan uñt'ir jakenacampiw chicachasipjjäna, luräwinacap yatekasipjjäna:

Salmos 106:36

diosanacaparuw yupaychapjjäna, sipitanacaparuw jalt'apjjäna;

Salmos 106:7

Nayra awquinacajjajj Egipto marcan janiw muspharcañ luräwinacam amuyapcänti; jach'a qhuyapayasiñamat armasipjjäna, Mar Rojo kota jac'an jumarojj kallcatapjjäyätam.

Éxodo 34:13

Jumanacasti allthapipjjätawa altaranacapa kalata dios lurasitanacapsa t'unthapipjjaraquïtawa, uqhamarac kolluna lawanacapsa p'acthapipjjaraquïtawa.

Jeremías 23:27

Cuna samcanactejj jupanacajj maynit mayniru parlaquipasipjje ucanacampejj marcajjarojj nayatwa armasiyañ munapjje, cunjämatejj nayra awquinacapajj nayat armasisin Baal diosan khepapa sarjjapjjänjja uqhama.

Deuteronomio 16:21

“Jan cuna kokanacsa ayrupjjamti yakha diosanacar jach'añchañataqui ni Diosaman altarap jac'arus ayrupjjamti.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Deuteronomio 8:11

“Tatitu Diosamatsti janipun armasipjjamti, janirac armasipjjamsa camachi arunacapa, arsutanacapa, leyinacapsa jichha uruna churapcsma ucanac phokhañsa.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

Jueces 3:12

Otoniel jiwjjatatsti israelitanacajj wastatampiw Diosajj cuntejj jan munqui uca jan wali jucha lurañanaca lurjjapjjaraquiquïna, uqhamïpansti Diosajj Moab marcanquir Eglón sat reyiruw wali ch'amani tucuyäna, israelitanacat sipansa.

Jueces 3:8

Diosasti uqham uñjasinjja jupanacatac colerasisasti Cusan-risataim sat Mesopotamia marcanquir reyin amparaparuw catuyäna. Ucatsti israelitanacajj Cusan-risataim sat reyirojj quimsakallko marawa sirvipjjäna.

Jueces 6:25

Ucampis uca arumpacharaquiw Diosajj, Gedeonaru saraquïna: —Awquiman vacanacapatsti mayïri orko vaca catum, maysti pakallko marani orko vacäquis ucaraqui, ucjjarojj awquimana Baal sat diosapan altarapa allthapiraquim, uqhamarac uca Baal diosan altarapa jac'ancqui uca koksa qhuchthapiraquim.

Jueces 8:33

Gedeón jiwjjatatsti israelitanacajj Diosat armt'asiwayasinsti cunayman Baal sat diosanacaru yupaychiriw cutt'awayjjapjjäna, ucampis jupanacajj diosapataquejj ajllirïpjjänwa Baal-berit sataru.

Jueces 8:34

Jupanacasti Diosapata armt'asiwayasinjja janiw amtascjjapjjänti Diosajj jupanacarojj take uñisirinacapat khespiyatapjja.

1 Samuel 12:10

Ucampis jupanacajj Tatituruw juchanacap arsusipjjäna, uqhamarac juparu apanucutanacapsa, Baal uqhamaraqui Astarté sisqui uca yakha diosanacapar sirvisina, ucatsti achict'asipjjaraquïnwa, uñisirinacapat khespiyañapataqui, jupa saparu sirviñataquiw arsupjjaraquïna.

1 Samuel 12:9

Ucampisa jupanacajj Tatitu Diosatjja armasjjapjjänwa, ucat jupajj Sisaran amparaparu catuyjjaraquïna, jupasti Jabín ejerciton generalapänwa, Hazoran reyipa, filisteonacana, moabitanacan reyinacapampiruw catuyaraquïna, jupanacasti awquinacam contraw nuwasiri sartapjjaraquïna.