Jueces 3:8 - Qullan Arunaca

⁸ Diosasti uqham uñjasinjja jupanacatac colerasisasti Cusan-risataim sat Mesopotamia marcanquir reyin amparaparuw catuyäna. Ucatsti israelitanacajj Cusan-risataim sat reyirojj quimsakallko marawa sirvipjjäna.

Aymar Bibliia 1986

⁸ Diosasti uqham uñjasinjja jupanacatac colerasisasti Cusan-risataim sat Mesopotamia marcanquir reyin amparaparuw catuyäna. Ucatsti israelitanacajj Cusan-risataim sat reyirojj quimsakallko marawa sirvipjjäna.

Qullan Arunaka DC

⁸ Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,

Jueces 3:8 Jak'a apnaqawi uñst'ayäwi

Génesis 24:10

Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Salmos 106:41

Diosar jan uñt'ir jakenacaruw catjjaruyäna, uñisirinacapasti mutuyänwa;

Salmos 129:1

Wayna cancañajjatpach ucatak t'akhesiyapjjetu, —jichhajj Israel marcajj sispan—,

Salmos 44:12

Wali irakataruw marcamarojj aljanuctajja, aljatampisti janiw cuns jicjjatctati.

Salmos 6:1

Tatay, janiquiy k'apisiñamamp tokentistati; janirac tipusiñamampis mutuyistati.

Salmos 85:3

k'apisiñam apanucjjtawa, k'apisiñaman nactañaparojj llamp'uchjtawa.

Éxodo 22:24

Ucatsti nayajj coleratajja, jumanacarojj espadampcamaw jiwarayapjjäma, ucatjja uca quipcaraquiw warminacamasa viudanaca, uqhamarac wawanacamas wajchanaca kheparapjjani.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Habacuc 3:7

“Nayajj uñjtwa Cusán orakenquir jakenacarojj t'akhesiñaru puripjjatapa, uqhamaraqui Madián orakenquir jakenacarusti ajjsarañat qhathatipjjatapa.

Romanos 7:14

Yatiractanwa leyejj ajayütapa, ucampis nayan janchi cuerpojjajja juchan munañapar sarnakañatac aljantatawa.

Deuteronomio 29:20

Ucapachajj Tatitu Diosajj janiw janc'aqui perdoncaniti jan ucasti takpach colerasiñapa, uqhamaraqui mayjt'asitapa, uca jakerojj apayani, ucatsti jupa patjjarojj take aca libron kellkat maldicionanacaw jutaraquini, Diosasti wawanacapjja aca oraken k'alwa chhaktayaraquini.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 2:20

Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 3:7

Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

Jueces 3:9

Israelitanacasti Diosaruw arnacasjjapjjäna, ucatsti Diosajj arnakasitanacap ist'asinsti jupanac taypitjja mä khespiyiri sayt'ayäna, ucasti Otoniel satänwa, Cenaz sat chachan yokapa, uqhamarac Caleb chachan sullca jilaparaqui.

Jueces 4:9

Ucatsti Deborajj saraquïnwa: —Uqhamasti nayajj saräwa jumampi chica, ucampis aca nuwasiñana atipjcäta ucajj janiw juman jach'a jach'a tucuñamataquïcaniti, jan ucasti Diosajja, Sisararojja mä warmin amparaparuw catuyani —sasa. Ucatsti Deborajj iyawsasaw Barac chachampi Cedes sat marcaru sarapjjäna.

1 Samuel 12:9

Ucampisa jupanacajj Tatitu Diosatjja armasjjapjjänwa, ucat jupajj Sisaran amparaparu catuyjjaraquïna, jupasti Jabín ejerciton generalapänwa, Hazoran reyipa, filisteonacana, moabitanacan reyinacapampiruw catuyaraquïna, jupanacasti awquinacam contraw nuwasiri sartapjjaraquïna.