Jueces 3:7 - Qullan Arunaka DC

⁷ Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

Aymar Bibliia 1986

⁷ Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

Qullan Arunaca

⁷ Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

Jueces 3:7 Jak'a apnaqawi uñst'ayäwi

1 Reyes 16:33

Ukxarusti Astarté diosar uñtasit lurayarakïna, uk lurasaw Israelan Tatit Diosapar q'apisiyäna, jupat nayra utjir reyinakat sipan juk'ampi.

1 Reyes 18:19

Jichhasti jaqinakar khitham, taqpach israelitanakar Carmelo qullun tantachpan, Baal diosan pusi patak phisqa tunkan profetanakapampiru, Astarté diosan pusi pataka profetanakapampiru, khitinakarutix Jezabel warmix manq'añapat manq'ayki ukanakaru.

2 Reyes 23:14

Ukatsti yupaychañ qalanakampi, lawanakamp jisk'a jisk'a tukjarakïna, uchatäkatayna uka chiqanakarusti, jaqi ch'akhanakampiw phuqhantäna.

2 Reyes 23:6

Tatitun utapankkän uka Astarté diosan lantiparusti Jerusalenat anqäxaruw apanuküna, ukatsti Cedrón jawir thiyan qhillar tukuyañkamaw ninamp nakhantayäna, uka qhillsti markan amay imäwiparuw willitatäna.

2 Crónicas 15:16

Asá reyix Maacá sat awichapatxa tayka reina kankañap apaqäna, jupan Astarté diosar uñtasit mä dios lurayatap layku. Asá reyix uka lursutarux jisk'a jisk'a t'unjäna, ukatsti Cedrón jawiran phichhantäna.

2 Crónicas 24:18

jupanakax Tatitun utapata, nayra awkinakapan Diosapat armasxapxänwa, ukatsti Astarté diosan uñtasitanakaparu, yaqha diosanakampiruw yupaychxapxäna. Tatitusti uka jucha luratanakapat Judá, Jerusalén markanakatakix q'apisïnwa.

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

2 Crónicas 33:3

jupasti qullu patanakan yaqha diosanakar yupaychañ utanaka, kawkïrinaktix Ezequías awkipax t'unjkatayna ukanak wasitat sayt'ayäna; Baal diosan lantinakapatakiw altaranak sayt'ayäna, ukatsti Astarté diosan uñtasitanakap lurayäna; ukhamarus alaxpachankir warawaranakaruw killt'asis yupaychäna,

2 Crónicas 34:3

Kimsaqallq mara marka apnaqkän ukkhasti, waynäkasawa Josías reyix David nayra awkipan Diosaparu thaqtañ qalltäna. Tunka payan mara marka apnaqkän ukkhasti, jupax Judá, Jerusalén markanakaruw q'umachäna, qullu amstan utjir yaqha diosanakar yupaychañ utanakap apaqayasa, ukhamarak Astarté diosan uñtasitanakapa, idolonakapa, ninamp umatatayas lurat diosanakap apaqayasa,

2 Crónicas 34:7

Altaranaksa, Astarté diosan uñtasitanakapsa, yaqha diosanaksa laq'aruw tukuyäna, Israel uraqpachan incienso nakhayañatak lurat taqi altaranak tukjäna. Ukatsti Jerusalenaruw kutt'anxäna.

Salmos 106:35

Diosar jan uñt'ir jaqinakampiw chikachasipxäna, luräwinakap yatiqasipxäna:

Salmos 106:36

diosanakaparuw yupaychapxäna, ukat jan walt'añanakar puripxäna,

Salmos 106:7

Egipto markankapkäna ukkhaxa, janiw muspharkañ luräwinakam amuyapkänti; jach'a khuyapayasiñamat armasipxäna, Mar Rojo quta jak'an jumarux qallkatapxäyätam.

Éxodo 34:13

Ukat sipana, jupanakan altaranakapsa, qalat lurat diosanakapsa t'unthapipxätawa, qullan lawanakapsa p'akthapipxarakïtawa.

Jeremías 23:27

Kuna samkanaktix jupanakax maynit maynikam parlakipasipki ukanakampix markaxarux nayat armasiyañ munapxi, kunjämatix nayra awkinakapax nayat armasisin Baal diosar yupaychapkän ukhama.

Deuteronomio 16:21

“Jan kuna quqanaksa yaqha diosanakar jach'añchañatak ayrupxamti, janirak Tatit Diosaman altarap jak'arus uka quqa uchapxamti.

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Deuteronomio 8:11

“Tatit Diosamat amtasiñ jan armasipxamti, jichhürun churapksma uka kamachi arunakapa, arsutanakapa phuqhañsa jan armasipxamti.

Deuteronomio 8:14

jumanakax janipuniw jach'a jach'a tukupxätati, janirakiw Tatit Diosamatsa armasipxätati, jupaw Egipto markan t'aqhisiyat jakañat irpsunipxtam.

Deuteronomio 8:18

Tatit Diosamat amtasipxam, jupaw uka yänak jikxatañatakix ch'am churapxtam, ukhamat jumanakampi phuqhasi kawkïr arust'äwtix nayra awkinakamamp lurkatayna ukaxa.

Jueces 3:12

Otoniel chachan jiwxatapatsti, israelitanakax wasitatampiw Tatitun nayraqatapan jan walinak lurapxäna, ukhamïpan Tatitux Moab markankir Eglón reyiparux israelitanakat sipan wali ch'aman tukuyäna.

Jueces 3:8

Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,

Jueces 6:25

Uka arumpachaw Tatitux Gedeonar säna: —Awkiman uywanakapat suma urqu vacäki uka katum, paqallq maranïki uka urqu vaca, ukatsti awkiman Baal diosapan altarap allthapim, ukatsti Baal diosan altarap jak'ankki uka quqa tinkuyarakim,

Jueces 8:33

Gedeonan jiwxatapatsti, israelitanakax Diosat armasisin Baal diosan kunayman uñtasitanakaparu yupaychiriw kuttawayxapxäna, ukatsti Baal-berit ukaruw diosapäñapatak ajllisipxäna.

Jueces 8:34

Jupanakax Tatitu Diosapat armasxapxäna, jupanakar muyuntir uñisirinakapat qhispiyat uñjaskasasa,

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.

1 Samuel 12:9

Ukampis jupanakax Tatitu Diosapat armasxapxänwa, ukat jupax Sisaran amparapar katuyäna, jupasti Jabín ejerciton jilïripänwa, Hasor markan reyipa, ukhamarak filisteonakana, moabitanakan reyipan amparaparuw katuyäna, ukanakaw jupanakampix nuwasipxäna.