Jeremías 2:20 - Qullan Arunaca

²⁰ “Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Aymar Bibliia 1986

²⁰ “Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Qullan Arunaka DC

²⁰ “Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:20 Jak'a apnaqawi uñst'ayäwi

1 Reyes 12:32

Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.

1 Reyes 14:23

Jupanacasti yakha diosanacataquiwa santuario utanaca lurayapjjäna, ucatsti lurapjjänwa kalanacata, lawanacata diosanaca take alto kollunacana, uqhamarac walja laphinacani kokanacan cayunacaparusa.

Salmos 107:14

Ch'amac lajja taypit apsüna, cadenanacamp chinuntatat jaranucüna.

Salmos 2:3

Jupanacajj wararipjjewa: “¡Chinuñanacapat t'akanucusipjjañäni! ¡ñach'añanacapat jararasipjjañäni!” sasa.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Éxodo 19:8

Ucatsti take israelitanacajj mä aruquiw sapjjäna: —Lurañäniwa cunanactejj Tatitojj sisqui ucanaca —sasa. Ucatjja Moisesajj israelitanacan arsusitanacapjja Tatituruw yatiyäna.

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Isaías 1:21

¡Cunjämarac ucarusti purtasti, cheka lurir marca, yakha chachanacampi sarnaker warmjamaw tuctajja! Nayrajj take jakenacamajj asqui lurircamaquïpjjänwa, chekapanarac sarnakapjjänjja, jichhasti takenis jake jiwayircamaquiraquisä.

Isaías 10:27

Uca urunsti cuna k'eptejj jumjjaru uscupqui ucasti apakatäjjätawa, cuna yugtejj cuncamjjar uscupctam ucas apakatäjjätawa.” Uñisiristi Rimón toketwa juti,

Isaías 14:25

Asiria marcarojj t'unjäwa, kollunacajjanwa k'al juparojj tucjä. Jupan t'akhesiyañapasti marcajjarojj janiw juc'ampi t'akhesiycjjaniti. Jupan khoru cancañapas janiw juc'ampi marcajj- jjancjjaniti.

Isaías 9:4

Jumaw tucjtajja cunatejj marcamar t'akhesiycän uca esclavo cancañjja, cawquïri t'akhesiñatejj llaquisiycän ucjja, munañani jakenacampi apnakatäpjjaraquïnwa. Cunapachatejj Madián oraker tucjctajj uqhamänwa.

Jeremías 13:27

Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Jeremías 17:2

Wawanacamasti amtasipjjewa altaranacatjja, uqhamaraqui kollana lawanacajj utjcäna ucanacatsa, jach'a kokanac c'uchuna, kollunac patana,

Jeremías 2:31

(Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 30:8

Naya take ch'amani Diosaw arsta: T'akhesiñatsti marcajjarojj khespiyaraquïwa, jan mayampis yakha marcanquir jakenacaru sirvcjjañapataqui.

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Ezequiel 16:28

Uqham catokcasasa, asirio jakenacampiraquiw k'añu lurañanacan sarnakaractajja; janiraquiw ucanacampis sisthapctati.

Ezequiel 16:31

Take thaqui tucuyanacaru, suma khanawjanacaruw yakha diosanacaru yupaychaña altaranac lurastajja, uca chekanacanwa k'añu lurañanacaru catuyasiractajja. Ucampisa jumajj janiw uca yakha k'añu luriri warminacjama, jan wali sarnakäwimatjja kollke maycaractati.

Ezequiel 16:41

Utanacamsti ninampiw phichcatapjjaraquini, ucatsti jumarojj take warminac nayräjjanwa juchañchapjjaraquïtam. Jichhajj uca jucha lurañanacamjja tucusiyjjäwa, janiraquiw juc'ampi uca k'añu luratanacamatjja waynanacamarojj pagcjjätati.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Ezequiel 23:5

Ahola satacän ucasti, janiw nayataquejj asquicänti, jan ucasti munirinacapataquiw wali chuymapa cawcst'ayasjjaraquïnjja, ucanacasti Asiria marcanquir nuwasiri jakenacäpjjewa,

Oseas 1:2

Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 3:3

Saractwa: “Jichhajj jaya maranacaw nayataquiyäta; janiraqui yakha chachanacampisa sarnakamti, ni yakha chacharus catuyascamti, nayasti jumataquiquiw jacaraquï” sasa.

Oseas 4:13

Alto kollunacana loma patanacanwa incienso loktasipjje sacrificionac churasa; uqhamaraqui roble, álamo, encina sat kokanacan ch'iwinacapanwa loktasipjjaraqui, uqhamarus phuchanacamajj wachoka jucha lurapjje, yojjch'anacamas yakha chachanacampi sarnakapjjaraqui.

Oseas 9:1

Israel marca, jan cusiscamti; janirac yakha marcanacjamas cusisiñatjja thokonakcamti, jan wali sarnakañaruw purtajja yakhanacampi sarnakasajj Diosamaruw apanuctajja. Grano jawk'äwi chekanacanwa juman yakhampi sarnakatamatjja pago catokañ muntajja,

Levítico 26:13

Nayätwa jumanacan Tatitu Diosamajja, nayaw jumanacarojj Egiptot apsunipjjaracsma jan ucan juc'ampi esclavot sarnakasipcañamataqui; cuna t'akhesiñatejj jumanacjjanccäna ucsa nayaw t'unatataracta, nayaw jumanacarojj jan cuna ajjsarasa sarnakayapjjaracsma.

Nahúm 1:13

Cuna yugotejj juma patancqui ucsa acch'a acch'wa tucjäjja, cadenanacamsa t'akanokaraquïwa,’ sasa.

Deuteronomio 12:2

“Ucatsti t'unjapjjaraquim take cawqha chekantejj uca marcanacajj yakha diosanacaru yupaychapqui uca chekanacana, kollunacana, jisc'a kollunacana, uqhamaraqui jach'a koka mankhanacansa.

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 26:17

Jumaw jichhürun khanañchtajja, Tatitu Diosajj juman Diosamätapa, ucatsti arumampiraquiw arstajja jupan thaquipan arcañataqui, leyinacapa, camachi arunacapa wiñayatac phokhañataquisa.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 5:27

Ucampisa jumay Diosaru jac'achasim, ucatsti ist'araquïtaw take Diosan parlatanacapsa, ucatwa nanacar yatiyapjjetäta cuntï parlcätam ucanaca; nanacasti phokhapjjäwa cuntï sapquitäta ucanacjja’ sasa.

Josué 1:16

Jupanacasti Josué chacharojj sapjjänwa: —Take cunanactejj jumajj sapquitäta ucanacjja lurapjjäwa, uqhamaraquiw sarapjjä cawqharutï saram sapjjetäta ucarusa.

Josué 24:24

Ucatsti Israel jakenacajj Josué chacharojj sänwa: —Nanacasti Tatitu Diosajjaruquiw sirvipjjä, cuntejj jupajj sapjjetani uca lurapjjaraquï —sasa.

Josué 24:26

Ucanacsti Diosan camachi arunacap kellkat libroruw kellkantaraquïna, ucatsti mä jach'a kala aptasin uchäna mä koka c'uchuru, cawquïritï Diosar yupaychañ kollan lugaräcän ucqharu.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:13

Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

1 Samuel 12:10

Ucampis jupanacajj Tatituruw juchanacap arsusipjjäna, uqhamarac juparu apanucutanacapsa, Baal uqhamaraqui Astarté sisqui uca yakha diosanacapar sirvisina, ucatsti achict'asipjjaraquïnwa, uñisirinacapat khespiyañapataqui, jupa saparu sirviñataquiw arsupjjaraquïna.