Jeremías 2:20 - Qullan Arunaka DC

²⁰ “Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Aymar Bibliia 1986

²⁰ “Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Qullan Arunaca

²⁰ “Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 2:20 Jak'a apnaqawi uñst'ayäwi

1 Reyes 12:32

Ukhamarus uruyañ uru uñstayarakïna, kimsaqallqüri phaxsina, tunka phisqani uru saraqataru, kunjämatix Judá uraqin uruyañ urux lurañäki ukhama, ukatsti jupa pachpaw wilañchanak altarxan luqtäna. Uksti Betel markan luräna, quri vaca qallunaka luraykatayna ukanakar wilañchanak luqtasina, yupaychañ utanak luraykatayna ukanakatak sacerdotenak utt'ayasina.

1 Reyes 14:23

Jupanakasti, yaqha diosanakatakiw yupaychañ utanak lurasipxäna, ukatsti qullu patanakan qalanakata, lawanakat diosanak sayt'ayapxäna, ukhamaraki walja laphinakani quqanakan kayunakaparusa.

Salmos 107:14

ch'amak laxa taypit irpsüna, cadenanakampi chinuntatat jaranuküna.

Salmos 2:3

Jupanakax jach'at arsupxi: “¡Chinuntatäpktan ukanak t'aqanukupxañäni! ¡Ñach'antatäpktan ukanakat jararasipxañäni!” sasa.

Salmos 78:58

Jucha lurañ altaranakapampiw Diosarux q'apisiyapxäna, akapach diosanakar yupaychatapampiw Diosan chuymap mayjt'ayapxäna.

Éxodo 19:8

Ukatsti israelitanakax mä arukiw sapxäna: —Kunanaktix Tatitux arski ukanak lurapxäwa —sasa. Moisesasti israelitanakan arsusitanakapxa Tatituruw yatiyäna.

Éxodo 24:3

Ukatsti Moisesax israelitanakar yatiyiriw saräna kunanaktix Tatitux siskatayna uka arunaka, ukatsti taqiniw mä wawaki arsupxäna: —¡Taqi kuntix Tatitux arski ukanak lurapxä! —sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Isaías 1:21

¡Chiqa lurir Jerusalén marka, kunjämatarak yaqha chachanakampi sarnaqir warmjam tuktasti! Nayrax taqi jaqinakamax aski lurirkamakïnwa, chiqapan sarnaqirkamakïnwa, jichhasti taqinis jaqi jiwayirkamakiwa.

Isaías 10:27

Naya, Israelan Diosapasti asirionakat qhispiyapxäma, uka jach'a t'aqhisiñanakam apaqapxarakïma.”

Isaías 14:25

Nayan markax taypinkki uka Asiria markarux t'unjäwa, qullunakaxan q'al juparux tukjä. Jupan t'aqhisiñapasti markaxarux janiw juk'ampi t'aqhisiyxaniti, qhuru kankañapas janiw juk'ampi markaxar jan walt'aykxaniti.

Isaías 9:4

4 (3) Jumaw tukjtax markamar t'aqhisiykän ukanakxa, kawkïri t'aqhisiñatix llakisiykän ukanaka, munañan jaqinakampi apnaqatäkän ukanaka. Kunjämtix Madián uraqir t'unjktax ukhama.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 17:2

Wawanakamasti uka altaranakata, uka qullan lawanakat amtasipxi, kawkïrinakatix jach'a quqanak k'uchunakana, qullunak patanakana,

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 30:8

Naya, taqi ch'aman Tatituw arsta: Markaxarux t'aqhisiñat qhispiyä, janiw mayampis yaqha markankir jaqinakax t'aqhisiykxapxaniti.

Jeremías 5:5

Jilïr jaqinakan ukaruw sarä, jupanakarusti sarakïwa. Jupanakax kuntix Tatitux munki uk yatipxani, kuntix Diosax arski uksa yatipxarakiniwa. Ukampis taqiniw Tatitutak sayt'asipxatayna, janirakiw jupar jaysañsa munapkataynati.

Ezequiel 16:28

Ukham katuqkasasa, asirio jaqinakampiw q'añu lurañanakan sarnaqaraktaxa; janiw ukanakampis sisthapktati.

Ezequiel 16:31

Jumax taqi thakhi tukuyanakaru, suma qhanawjanakaruw diosanakar yupaychañ altaranak lurastaxa, uka chiqanakan q'añu lurañanakarux katuyasiraktaxa. Ukampis jumax janiw uka yaqha chachanakampi sarnaqir warminakjama, jan wali sarnaqäwimat kuna qullqsa maykaraktati.

Ezequiel 16:41

Utanakamsti ninampiw phichkatapxani, ukatsti taqi warminak nayräxan jumar juchañchapxätam. Nayaw jichhax uka wachuqa jucha lurañanakam tukusiyä, janirakiw mayampis waynanakamarux uka wachuqa jucha luratanakamat qullqi churkxätati.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 23:5

Oholá warmix, janiw nayatakix askïkxänti, jan ukasti Asiria markankir nuwasir jaqinakaruw walpun munapayxäna,

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Oseas 3:3

Ukatsti juparux saraktwa: “Jichhax walja maranakaw nayampi jakasïta; janiw yaqha chachanakampi sarnaqxätati, nayasti jumatakikiw jakarakï” sasa.

Oseas 4:13

Uka alay qullunakan incienso q'aphinakampi luqtäwinak churasi; roble, álamo, encina sat quqanakan ch'iwinakapan luqtasiraki. Phuchhanakamax wachuqa jucha lurapxi, yuxch'anakamas yaqha chachanakampiw sarnaqapxi.

Oseas 9:1

Israel marka, jan kusiskamti; janirak yaqha markanakjamas kusisiñat thuqunaqkamti, Diosamar apanukusaxa, yaqhanakampiw wachuqa juchanak lurtaxa. Grano jawq'añ chiqanakan yaqhampi jan wal sarnaqatamatxa, paylla katuqañ muntaxa.

Levítico 26:13

Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.

Nahúm 1:13

Nayaw jumar t'aqhisiyir yuku akch'a akch'a tukjä, chinuñanakamsa t'aqanuqarakïwa” sasa.

Deuteronomio 12:2

“Kawkha markanaktix katuntapkäta uka markanakanxa, diosanakapar yupaychañ chiqanakxa q'al t'unjapxäta: qullunakana, jisk'a qullunakana, ukhamarak jach'a quqa manqhanakansa.

Deuteronomio 15:15

Janiw jumax Egipto markan t'aqhisiyat sarnaqatam armasïtati, Tatit Diosamaw qhispiyantam. Ukat nayax jumar aka iwxanak chursma.

Deuteronomio 26:17

Jumaw jichhürun qhanañchtaxa, Tatitun juman Diosamätapa, ukatsti arumampiw arsuraktaxa jupan thakhipan arkaña, kamachinakapa, kamachi arunakap wiñayapun phuqhañsa.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 5:27

Jumakiy jak'achasim, ukatsti taqi kuntix Tatit Diosasax siskätam uk ist'arakïta, ukat nanakar yatiyapxitäta kuntix parlkätam ukanaka; nanakasti kuntix sapkitäta ukanak phuqhapxäwa’ sasa.

Josué 1:16

Jupanakasti sapxänwa: —Nanakax kuntix sapkista ukanak lurapxäwa, kawkharutix khithapkitäta ukkharuw sarapxarakï.

Josué 24:24

Israel markasti sänwa: —Nanakax Tatitu Diosaxarukiw luqtapxä, kuntix jupax sapkitani uk lurapxarakï —sasa.

Josué 24:26

ukanaksti Tatitun kamachipa qillqata utjki ukaruw qillqantäna. Ukatsti mä jach'a qala aptasin encina quqa k'uchuruw uchäna, Tatitun qullan chiqawjap jak'ankän ukawjaru,

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Jueces 10:6

Israelitanakax wasitatampiw Tatitun nayraqatapan jan walinak lurapxäna, ukatsti Baal, Astarté diosanakan kunayman uñtasitanakaparuw yupaychapxäna, ukhamaraki Siria, Sidón, Moab, Amón, filisteonakan diosanakaparusa. Diosaru taqi chuyma yupaychañxa apanukxapxänwa.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 2:13

Jupanakasti Baal, Astarté diosanakan uñtasitanakapar yupaychasaw Tatitut armasipxäna,

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.