Jeremías 7:18 - Qullan Arunaca

¹⁸ Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Aymar Bibliia 1986

¹⁸ Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Qullan Arunaka DC

¹⁸ Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Jeremías 7:18 Jak'a apnaqawi uñst'ayäwi

1 Reyes 14:9

ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

1 Reyes 16:2

“Nayasti lak'atwa aptsma, ucatsti Israel marcajj-jjarojja jilïritwa uchsma. Ucampis jumajj Jeroboam reyjamaraquiquiw jucha luraytajja Israel marcajjarojja. Jumasti colerayistawa jucha luratanacamampi.

Salmos 16:4

Jupanacajj cunayman diosanac uñstayapjje, ucanacarusti alt'at chuymampiw loktapjje. Ucampis nayajj janipuniw wilañcha loktäwinacapamp chicachascäti, janiraquiw sutinacaps aytascäti.

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Isaías 57:6

“Israel, jumajj jawira llust'a kalanacaruw yupaychtajja, ucanracwa jumataquejj mä chekajj waquichat utji. Uca kalanacaruw vino loktäwinac churastajja, granonacsa churaractajja. ¿Take uca luratanacamatsti cusisïti?

Isaías 65:11

Ucampis jumanaca, qhitinacatejj Tatitut jayarst'apjjta, kollana kollojjatsa armasipjjaracta, uqhamaraqui Gad y Mení sisqui uca kamir cancañ churiri diosanacaruw mank'sa, vinsa churapjjaractajja.

Isaías 65:3

mä marca, cawquïritejj nayan ajanojjaru sapüru ñankhachquitu; diosanacarusti pankar yapunacan sacrificionac loktasipjjaraqui, ladrillot lurat altaranacjjan incienso naqhayasipjjaraquïnjja;

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 11:17

“Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Jeremías 17:2

Wawanacamasti amtasipjjewa altaranacatjja, uqhamaraqui kollana lawanacajj utjcäna ucanacatsa, jach'a kokanac c'uchuna, kollunac patana,

Jeremías 19:13

Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Jeremías 25:7

Ucampisa jumanacajj janiw nayarojj ist'añ munapquistati, jumanac pachpan lursusita diosanacaru yupaychasaw nayarojj colerjayapjjesta; take ucasti jumanacatac pachpa jan walïniwa. Tatituw ucjja arsu.’

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 44:25

Israelan take ch'amani Tatitu Diosapasti siwa: ‘Jumanacajj warminaca, lacanacamampiw arsupjjtajja, luräwinacamampiw uca arsutanacamjja phokhapjjaractajja. Jumanacasti sapjjaractawa: ‘Alajjpacha Mamaru incienso loktasiñataquiw arsupjjta uqhamaraqui juparu vino ch'allt'asiñataquiw arsupjjta’ sasa. ¡Uca arsüwinacamsti phokhapjjaraquïtawa! ¡Jichhajj waliquiwa, cuntejj arsupcta ucjja luräwinacamampi phokhapjjam!

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 7:17

¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Lamentaciones 5:13

Jila ch'amani jakenacarusti molinon irnakañapataquiw uscuntapjje, waynanacasti lawampi jawk'jataraquiw uñjasipjje.

Ezequiel 16:26

Pachpa uta jac'anacamampiw k'añu luräwinac luraractajja, uca k'añu juch luriri egipcio jakenacampiw sarnakaractajja, uqham k'añu luratanacamampiw colerjayaraquista.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Ezequiel 8:16

Ucatsti Tatitun templopanquiri mankha uta ankäjjaruw irparaquitu, cawqhatejj Tatitun utapar mantañäqui uca chekaru, altara taypïquis uca chekaru, ucansti pä tunca pheskani jakenaca uñjaracta, santuariotjja khepa tokeru uñtata, inti jalsu tokeru uñtasina alt'ata, intiruwa yupaychasipcaraquïna.

Ezequiel 8:17

Uqhamasti Tatitojj nayarojj saraquituwa: “¿Uñjtati uca? Judá marcajj uca take k'añu luräwinacampis janiw sisthapipquiti, uqhamarus aca orakerojj ch'ajjwañanacampiw phokhantaraqui. Mayampi mayampwa nayarojj sintipuni colerayjjapjjetu, usunacapan k'aphinacapsa nasajjas muct'araquiwa.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 32:16

Diosarusti colerayaraquïnwa yakha ajjtascañ diosanacar yupaychasa.

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.

Deuteronomio 4:19

Cunapachatï alajjpach uñtasina intiru, phajjsiru, warawaranacaru uqhamaraqui take ucanacar uñtapjjät ucqhajj jan ucanacar yupaychapjjamti, ucanacsti Dios Tatitu Awquisaw luri take acapach orakenquir marcanacataqui.