Jeremías 7:18 - Qullan Arunaka DC

¹⁸ Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Aymar Bibliia 1986

¹⁸ Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Qullan Arunaca

¹⁸ Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Jeremías 7:18 Jak'a apnaqawi uñst'ayäwi

1 Reyes 14:9

ukampis jumax, jumat nayräpki uka reyinakat sipan juk'amp jan walpun sarnaqtaxa; jumax, nayar q'apisiyañatakix, hierro umatatayasin yaqha diosanaka, yaqha uñtasitanak lurastaxa, nayarusti jisk'achistawa.

1 Reyes 16:2

“Nayax laq'at jumar aptsma, ukatsti Israel markaxan jilïripat uchsma. Ukampis jumax, Jeroboam reyjamarakiw Israel markaxarux jucha luraytaxa. Jucha luratanakamampiw nayar q'apisiyista.

Salmos 16:4

Kunayman diosanak jupanakax uñstayapxi, ukanakarusti alt'at chuymampiw luqtapxi. Ukampis nayax janipuniw wilañcha luqtäwinakapampi chikachaskäti, janirakiw sutinakapsa aytaskäti.

Isaías 3:8

Chiqpachapuniw Jerusalén markax q'al aynacht'xi, Judá markas q'ala tukjatarakiw qhiparxi, uka markanakansti taqiniw Tatiturux chuym ust'ayapxi.

Isaías 57:6

“Israel, jumax jawira llust'a qalanakaruw yupaychtaxa, ukan jumatakix mä chiqax wakichat utji. Uka qalanakaruw vino luqtäwinak churastaxa, granonaksa churasiraktaxa. ¿Taqi uka luratamatsti kusisïti?

Isaías 65:11

Ukampis jumanaka, khitinakatix Tatitut jayarst'apkta, qullana qulluxatsa armasipxta, Gad, Mení siski uka qamir yänak churiri diosanakaruw manq'sa, vinsa churapxarakta,

Isaías 65:3

Uka markax nayarux ñanqhachapunituwa; k'ari diosanakaruw wilañchanak luqtaski, ladrillot lurat altaranakxan incienso q'uphicharaki.

Jeremías 1:16

Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 17:2

Wawanakamasti uka altaranakata, uka qullan lawanakat amtasipxi, kawkïrinakatix jach'a quqanak k'uchunakana, qullunak patanakana,

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Jeremías 25:7

Jichhasti Tatitux siwa: ‘Jumanakax janiw nayarux ist'añ munapkistati; jumanak pachpan lursusit diosanakar yupaychasaw nayar q'apisiyapxista; taqi ukasti jumanakatak pachpa jan walïniwa’ sasa.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 44:25

Israelan taqi ch'amani Tatitupax siwa: ‘Jumanakasa, warminakamasa, lakanakamampiw arsupxtaxa, uka arsutanakamsti luräwinakamampiw phuqhapxaraktaxa. Jumanakasti, Alaxpach Mamaru inciensompi, vinompi luqtasiñatakiw arsupxtaxa, uka arsüwinakamsti phuqhapxarakïtawa. ¡Jichhax walikiwa, kuntix arsupkta ukxa luräwinakamampix phuqhasipkakim!

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Jeremías 7:17

¿Janit jumax uñjkta kuntix Judá markanakansa, Jerusalén markansa lurapki ukxa?

Lamentaciones 5:13

Jila ch'amani jaqinakarux molinon irnaqayapxi, waynanakasti, phayañ lawanak q'ipt'ataw liwisipxi.

Ezequiel 16:26

Pachpa uta jak'anakamampiw q'añu luräwinak lurtaxa, uka q'añu jucha lurir egipcio jaqinakampiw sarnaqaraktaxa, ukham yaqha chachanakampi sarnaqatanakamampiw q'apisiyistaxa.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 8:16

Ukatsti jupax Tatitun utapan manqhäxa chiqaruw irparakitu, ukatsti Tatitun qullan utjäwipar mantañäki uka chiqa, altaräkis uka chiqa taypinsti, pä tunka phisqan jaqinak uñjta, jupanakax Qullan Chiqa satäkis ukatxa, qhipa tuqir uñtata, inti jalsu tuqir uñtasin alt'ataw intir yupaychasipkäna.

Ezequiel 8:17

Ukhamasti Tatitux sarakituwa: “¿Uk uñjtati? Judá markax taqi uka q'añu luräwinakampis janiw sisthapkiti, ukhamarus aka markarux ch'axwañanakampiw phuqhanti. Mayampi mayampi nayarux q'apisiyapxitu, idolopar yupaychañ layminakan jan wali q'aphitanakapsa mukt'ayapxituwa.

1 Corintios 10:22

Jan ukax ¿Tatituruch q'apisiyañ munasipkaktanxa? ¿Jiwasax Tatitut sipan juk'ampi ch'amanïtanti?

Deuteronomio 32:16

Diosaruw q'apisiyapxäna, yaqha axtaskañ diosanakar yupaychasa.

Deuteronomio 32:21

Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.