Jeremías 7:19 - Qullan Arunaca

¹⁹ Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Aymar Bibliia 1986

¹⁹ Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Qullan Arunaka DC

¹⁹ Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Jeremías 7:19 Jak'a apnaqawi uñst'ayäwi

Esdras 9:7

Qhä pachata jichhacamawa wali jucha lurañana jacapjjta. Ucatsti nanacan juchanacajj laycojja, nanacasa, reyinacajjasa, uqhamarac sacerdotenacajjasa yakha marcanacanquir reyinacan munañanacapar catuyataw jicjjatasipjjta. Ucatjja chhojjrinchjata, jayar apanucuta, aparata, jisc'achjata jicjjatasipjjäyäta, jichhasti uca pachpa luräwiruraquiw puripjjaracta.

Job 35:6

Jumatejj jucha lursta ucajja, janiw Diosarojj cuna ñankhsa lurquiti, kawkhasa jach'a juchanac lurascam, ucanacajj janiw juparojj cunsa camächquiti.

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Isaías 1:24

Ucatpï jichhajj take ch'amani Tatitojj, Israelan take ch'amani Tatitupajj sejja: “¡Ucqhacamaqui! Nayaw uñisirinacajjarojj juchañchä, jupanacarusti uqhamat uqham luraraquï.

Isaías 45:16

Take qhitinacatejj c'ari diosanac lurasipqui ucanacajj p'enkachjata, jisc'achjataraquiw uñjasipjjani.

Jeremías 15:9

Walja wawanacani warminacasti, liwirtapjjewa, jan ch'amaniw jicjjatasipjjaraqui; p'enkachata, jisc'achjataraqui, lupi khanasa jupanacataquejj ch'amact'jjaraquiwa. Jupanacat yakhepanacatejj jacasipcani ucanacarojja, uñisirinacapampiw jiwarayaraquï. Naya Tatituw ucjja arsta.”

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 25:7

Ucampisa jumanacajj janiw nayarojj ist'añ munapquistati, jumanac pachpan lursusita diosanacaru yupaychasaw nayarojj colerjayapjjesta; take ucasti jumanacatac pachpa jan walïniwa. Tatituw ucjja arsu.’

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 44:3

cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Jeremías 9:19

Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Ezequiel 16:26

Pachpa uta jac'anacamampiw k'añu luräwinac luraractajja, uca k'añu juch luriri egipcio jakenacampiw sarnakaractajja, uqham k'añu luratanacamampiw colerjayaraquista.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 32:16

Diosarusti colerayaraquïnwa yakha ajjtascañ diosanacar yupaychasa.