Jeremías 7:20 - Qullan Arunaca

²⁰ Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Aymar Bibliia 1986

²⁰ Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Qullan Arunaka DC

²⁰ Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 7:20 Jak'a apnaqawi uñst'ayäwi

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

Isaías 10:17

Kollan Diosasti, qhititejj Israelan khanapäqui ucajj akquiri ninaruw tucuni, mä uruquiraquiw naqhantani, tucjaraquini take koranacsa, uqhamaraqui ch'aphinaca marcan utjquejj ucanacsa.

Isaías 42:25

Ucatpï jupanacataquejj colerasïnjja, mutuyaraquïnsa mä jach'a guerrampi naqhantayasa, uqhamas janiw jupanacajj yatekañ munapcänti.

Isaías 66:24

“Jutapjjaniwa, ucatsti qhitinacatejj nayataqui sayt'asipcän uca jakenacan jiwat janchinacapwa uñjapjjani. Cuna lak'onacatejj uca janchipan mank'qui ucanacasti janiw jiwapcaniti, jupanacar naqhantir ninasti janipuniw jiwarcaraquiniti. ¡Take jakenacataquisti wali ajjtascañaraquïniwa!”

Jeremías 11:16

Mä pachanjja naya, Tatitu, juparojj sayätwa: Suma ch'ojjña olivo ali, uqhamaraqui suma achunacani phokhantata sasa. Ucampisa jichhajj jach'a k'ejjok'ejjonac taypinwa laphinacapjja naqhantayä, alinacapsa khakhararaquï.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Jeremías 14:16

Cawquïri jakenacarutejj jupanacajj parlapqui ucanacasti, guerrana uqhamaraqui mank'atjamaw jiwarapjjaraquini, warminacapampi, yokalla, imilla wawanacapampi. Jiwat janchinacapasti Jerusalén callenacan jaktatäniwa, janiraquiw jupanacarojj qhiti imiris utjcaniti. Uqhamatwa juchapjja uñt'asiyä.

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 17:4

Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Jeremías 18:23

Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 44:6

Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Jeremías 6:11

Colerasiñaman phokhantatätwa, Tata; janiw juc'ampi cuns lurirjamäcti” sasa. Tatitusti saraquituwa: “Uca colerasiñamsti callen waynanacjjaru warjjatam, tam tama sarnakquis uca waynanacjjaru. Chachanacarusti warminacapamppachwa catuntasina apapjjani, uqhamaraqui sinti chuymani jakenacsa.

Jeremías 6:12

Utanacapasa, orakenacapasa, warminacapasa yakhancjjaniwa. Nayasti amparajj aytaraquï, aca marcan utjirinacaru mutuyañataqui. Naya Tatituw, ucjja arsta.

Jeremías 8:13

Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Lamentaciones 4:11

Tatitusti sintipuniw colerasi, akquiri colerasiñapsti jiwasjjaruw warjjataniraqui; Sión marcarusti ninampiw akantayi uta cimientotpachwa t'unjaraqui.

Ezequiel 22:22

Cunjämatejj kollquejj ninanjja umatatejja, jumanacajj uqhamaraquiw marca taypin umatatayatäpjjäta, uqhamatwa jumanacajj yatipjjäta naya Tatitojj colerasiñajj jumanac toke wartanitajja” sasa.

Ezequiel 7:12

Horasajj purinjjewa, urusti jutjjaraquiwa. Aljasirisa janiw cunat cusisiñapas utjquiti, alasiris janiw cunat llaquisiñapas utjcaraquiti. Israel marcan jach'a jach'a tucutapatsti mutuyaraquïwa.

Ezequiel 7:14

“Trompetas toct'asiraquiwa nuwasiñaru jawsasa; takeniw waquichasipjji, ucampis janiw maynis nuwaserejj mistcaraquiti. Israel marcan jach'a jach'a tucutapatsti colerasiñajjampiw mutuyaraquëjja.

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Nahúm 1:6

¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Sofonías 1:2

Tatitusti aqham siwa: “Nayasti take cunatï acapach oraken utjqui ucanacjja k'alwa tucjä.

Sofonías 1:3

Tucjaraquïwa jakenacarusa, animalanacarusa, take jamach'inacarusa, chawllanacarusa, juchan jakerusa tucjaraquïwa, ucatsti jakerojj acapach oraketjja chhaktayaraquïwa.” Acanacwa Tatitojj arsuwayi:

Zacarías 7:12

Chuymanacapjja kalarayasipjjewa, ch'ollkhe diamante kalar uñtata, yatichäwinaca, camachi arunaca cuntejj take ch'amani Tatitojj parlawayi ajayup toke nayra profetanac toketa ucanac jan ist'añataqui. Ucatwa Tatitojj wali colerasi,

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Mateo 3:12

Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.