Jeremías 17:3 - Qullan Arunaca

³ pampanacansa, take ucanacatjja amtasipjjewa. Juchanacam laycusti, kamir cancañamsa, imasitanacamsa lunthatsuyämawa, take orakenacamansti kollana kollunacamsa lunthatjayaraquïwa.

Aymar Bibliia 1986

³ pampanacansa, take ucanacatjja amtasipjjewa. Juchanacam laycusti, kamir cancañamsa, imasitanacamsa lunthatsuyämawa, take orakenacamansti kollana kollunacamsa lunthatjayaraquïwa.

Qullan Arunaka DC

³ pampankir qullunakan utjkäna ukanakat amtasipxi. Juchanakam laykusti, qamir yänakamsa, imasitanakamsa, uraqiman utjir qullan qullunakamsa q'al lunthatjayäma.

Jeremías 17:3 Jak'a apnaqawi uñst'ayäwi

2 Reyes 24:13

Ucatjja Nabucodonosor reyejj take imatanacwa apsüna Tatitun templopata, reyin palaciopata, cunjämtï Tatitojj yatiycäna uqhamaruwa phokhasiscäna, Israelana Salomón reyipajj cuna yänactejj korita luraycäna Tatitun templopataqui ucanacwa tucjäna.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Isaías 27:9

Ucampis Jacobon juchanacapjja pampachiwa, aca amtäwimpiraquiw juchanacapsa pichararaquini. Take c'ari diosanacapan altaranacapjja pampa saraypan, ñut'jaracpan k'atawi kaläcaspas uqhama, janirac ni mä kollana troncos kheparpati, janiraqui incienso loktasiñ altaranacas utjpati diosanacapataquejja.

Jeremías 12:12

Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 15:13

Israel, walja jucha luratam laycusti, take imasitanacamsa, kamir cancañamsa uñisirinacamaruw catuyä, take cunanacatejj orakeman utjqui ucanacsa, jupanacaruw catuyä inaqui apasjjapjjañapataqui.

Jeremías 20:5

Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui.

Jeremías 21:13

“Valle uñjjatata marca, pampanjja mä karkaru uñtataraquïtawa, naya Tatitusti, jumataquiw jichhajj sayt'ta. Jumanacasti sapjjtawa: ‘¿Qhitis nuwistaspa? ¿Qhitiraquisa imantasiñascamajja purt'anispa?’ sasa.

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Lamentaciones 1:10

Uñisirinacaw Jerusalén marcan kamir cancañapjja catuntasjjapjje. Marcasti, jan Diosar uñt'ir jakenacan ch'amampi templor mantirwa uñjaraqui. ¡Cawquïri jakenacarutejj jumajj ‘Janiw nayan utajjar mantapjjätati’ siscta ucanacaw mantapjje!

Ezequiel 16:39

Jupanacan amparaparuw catuyaraquïma, uqhamat jupanacajj juch luraña, yakha diosanacar yupaychaña chekanacam t'unjapjjañanacapataqui. Isinacamsa uqhamaraqui uca suma c'achachasitanacamsa wiqharapjjaraquïtamwa, ucatsti k'alalpacha sayt'ayapjjaraquïtam.

Ezequiel 23:46

Tatitusti aqham saraquiwa: “Jakenacasti tantacht'asipjjpan jupanacataqui, ajjsarañanaca churapjjpan, lunthatjapjjaracpan;

Ezequiel 6:3

aqham sasa: ‘Israel kollunaca, ist'apjjam, cuntejj Tatitojj sisqui: kollunaca, jisc'a kollunaca, jawiranaca, vallenaca. Jumanacjjarojj guerranac apayanipjjäma, jach'a kollunacan yakha diosanacamaru yupaychapcta uca chekanacsa k'alwa t'unjäjja.

Levítico 26:30

Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Sofonías 1:13

Ucatwa take yänacapas saqueyjatäni, utanacapas t'unjataraquïni. Utanaca utachasisipcaniwa, ucampis janiraquiw uca utanacan jacapcaniti. Uva alinacsa ayrusisipcaniwa, ucampisa janiraquiwa ucatjja vino umapcaniti” sasa.