Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.
Jeremías 11:4 - Qullan Arunaca Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa. Aymar Bibliia 1986 Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa. Qullan Arunaka DC Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa. |
Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.
Jupasti marcamawa, jumancaraquiwa; jumaraquiw Egiptotjja apsuniractajja, uca orakesti hierro umatatayañ hornjamänwa.
Jupasti Tatitumpipuniwa suma sarnakäna, janiw jupatjja sarakcänti, uqhamaraquiw jupajj phokhäna Moisesaru Tatitojj camachi arunacapa churcäna ucanacjja.
Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.
Profecía arunaca Néguev chekanquir animalanacataqui: Uca ajjsarcaya orakenacanjama, leonanacan wararitanacapaquiw ist'asi, catarinaca, thokhonakeri dragonanacan jacäwipa, uca chekwa kamir cancañanacapjja apapjje asnonacata, camellonacata qhumt'ata, jan cunatac inamay Egipto marcaru,
Nayaw jumarojj k'oma tucuysma, janiw kollkempjamati, jan ucasti t'akhesiña horno tokew k'omachsma.
Cunapachatejj awquinacaparu Egiptot apsuncäyäta ucapachasti saraquïyätwa, nayaruc jaysapjjeta sasa, ucatpacha jichhacamasti ucjja sascaquipuntwa.
Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.
Sarnakäwinacamsa, luräwinacamsa asquichasipjjam, jumanacan Tatitu Diosamaruraqui ist'apjjam, ucatsti jupajj janiw cuna jach'a t'akhesiñanactejj arsqui ucanacjja apayanipcätamti.
Jichhasti nayajj sismawa: Babilonianquiri Nabucodonosor reyimpiru, uqhamaraqui caldeo jakenacampiruw aca marcjja catuyaraquï.
Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.
Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.
Uqhamat Israel marcajj jan nayat juc'ampi jithektjjañapataqui, janiraqui uca ñankha lurañanacampisa k'añuchasiscañapataqui. Jupanacajj nayan marcajjäniwa, nayasti jupanacan Diosaparaquïyäwa. Naya Tatituw ucjja arsta.”
ucatsti cawquïri oraktejj nayra awquinacamar churcäyät uca oraken jacapjjaraquïta, jumanacasti nayan marcajjaw tucupjjaraquïta, nayasti jumanacan Diosamaraquïyäwa.
Janiraquiw wasitat k'añuchascjjapjjaniti, uca ajjtascaña c'ari diosanacar yupaychasajja, ni cunayman casta juchanaca lurasasa. Jan chekaparu sarnakatanacapatsti nayaw jupanacarojj khespiyaraquëjja, juchanacapatsa k'omacharaquïwa. Jupanacajj nayan marcajjäniwa, nayasti jupanacan Diosaparaquïyäwa.
Nayasti jupanac taypinwa jacaraquëjja, Diosaparaquïyäwa, jupanacasti nayan marcajjaraquïniwa.
Uqham sasinsti Nabucodonosor reyejj horno puncuru jac'achasisinwa art'äna: —Sadrac, Mesac, Abed-nego, alajjpacha Diosan sirvirinacapa, mistunjjapjjam, ucat acaru jutjjapjjam —sasa. Uca quimsa waynanacasti uca nina taypitwa mistunjjapjjäna.
jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.
“Jumanacatejj nayan leyinacajjarjama sarnakapjjäta, uqhamarac camachi arunacajjsa phokhapjjaraquïta, ucarjamaraqui sarnakapjjäta ucapachasti,
Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”
Jayanacatpachwa jakejj jutapjjani wasitat Tatitun templop sartayaña yanapt'añataqui; ucqhaw jumanacajj uñt'apjjätajja take ch'amani Tatitun nayaru qhitanitapjja. Ucasti lurasiniwa cunapachatï jumanacajj Tatitu Diosaman arupa ist'apjjäta, iyawsapjjaraquïta ucapacha.
apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”
Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”
Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”
Bendicionsti catokapjjätawa, jumanacatejj Tatitu Diosaman camachi arunacapa phokhapjjäta, cawquïrtejj jichha urun churapcsma ucanaca, ucapacha;
Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.
‘Nayätwa juman Tatitu Diosamajja, nayaraquiw Egipto marcatsa irpsuniracsma, cawqhantejj esclavot sirviscäyät ucana.
Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;
Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.