Levítico 26:12 - Qullan Arunaca

¹² jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Aymar Bibliia 1986

¹² jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Qullan Arunaka DC

¹² jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Levítico 26:12 Jak'a apnaqawi uñst'ayäwi

Génesis 17:7

Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 3:8

Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

Génesis 5:22

Enocasti Diosan munañaparjamapuniw sarnakäna. Matusalenan nacitapatsti, Enocajj quimsa pataca maranacampwa jacascäna, yokanacani, phuchanacani cuna.

Génesis 5:24

Enocajj Diosan munañaparjam sarnakatapatjja, mä uruw chhaktjjäna, Diosaraquiw juparojj irpasjjatayna.

Génesis 6:9

Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

2 Samuel 7:7

Take uca maranaca jupanacampi sarnakasasti, janipuniw jupanacat cawquïr jilïr irpirinacaparus maycti, qhitinacarutejj nayajj Israel marca apnakapjjañapataqui utt'aycta ucanacarusa, cedro maderat mä templo utacharapipjjeta’ sasajja.

Salmos 50:7

“Israel marcajjay, ist'ita, jumaruw khan parljjayäma; Israel marca, nayaw jumar ircatäma. ¡Nayaw Diosätjja! ¡Juman Diosamätwa!

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Éxodo 29:46

Uqhamatwa jupanacajj yatipjjani naya Tatitu Diosajj jupanacana Diosapätajja, qhititejj Egipto marcat apsunqui jupanac taypin jacañataqui uca. Naya Diosawa jupanacan Tatitu Diosapätjja.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Jeremías 11:4

Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Jeremías 7:23

Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Ezequiel 11:20

Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.

Ezequiel 36:38

T'unjat marcanacasti walja jakenacanipuniw tucjjani, cawquïri ovejanacatejj Jerusalén marcaru sacrificiot loktañataqui apatäpqui uqhamäpjjaraquiniwa. Ucapachaw yatipjjani nayan Tatitütajja” sasa.

Joel 2:27

jumanacasti, israelit jakenaca, ucqhaw yatipjjäta, naya Tatitojj jumanacampïscatajja, nayaquiraquïtwa Diosamajja, janiraquiw yakhajj utjquiti. ¡Marcajjasti janipuniw mayampisa p'enkachat uñjascjjaniti!

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Números 5:3

Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

Mateo 22:32

‘Nayajj Abrahaman, Isaacan, Jacobompin Diosapätwa’ sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

Deuteronomio 23:15

“Cawquïri esclavotejj patronapat jaltanisina imantasiña mayipjjätam ucapachajj jan jumanacajj nayrïri patronapar catuyapjjamti.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Apocalipsis 2:1

“Éfeso iglesiancquis uca angelar kellkasin apayam: ‘Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

Apocalipsis 21:7

Atipjiristi take acanacwa herenciata catokani. Nayasti jupan Diosapäyäwa, jupasti nayan wawajjäniwa.