Jeremías 38:20 - Qullan Arunaca

²⁰ Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Aymar Bibliia 1986

²⁰ Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Qullan Arunaka DC

²⁰ Jeremiasasti ukxarux sarakïnwa: —Juma, jach'a reyix janiw jupanakan amparaparux jalt'kätati. Jach'a rey, Tatitun arunakapar jaysam, kuntix jumaru yatiyksma uka arunakaru, ukapachasti taqi kunas walikïskakiniwa, janiw jiwayatäkarakïtasa.

Jeremías 38:20 Jak'a apnaqawi uñst'ayäwi

Génesis 12:13

Uca laycu nayar juma laycu jan jiwayasipcañapataquejja: ‘Cullacapätwa’ samaya” sasa.

Génesis 19:20

¡Uñtapjjam, qhayan mä jisc'a marca uñjta! Jac'anquiwa, ucaruw jaltjjapjjaraquiristjja. ¡Ucar jaltjjapjjam sapjjeta, jacañajj khespiyasiñajjataqui! ¿Chekpachansa jisc'aquejjay uca marcajja? —sasa.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

Proverbios 4:4

awquejjasti aqham sasaw yaticharaquitäna: ‘Arunacajjsti chuymamar imam; cuntï siscäma ucaraqui luram, ucatwa jacäta.’

Proverbios 7:2

Ewjja arunacajjarusa, yatichäwinacajjarusa ist'amaya; sum imaraquim wali suma munata yänacäcaspas uqhama, ucatsti jacätawa.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Jeremías 11:4

Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Jeremías 11:8

Ucampisa janiw nayarojj jaysapquituti, ni ist'apcaraquitusa, jan ucasti chuymanacapan jan wali amtatanacaparuquiw arcjjapjje. Cuntejj nayajj jupanacaru siscäyät uca arunacsti janiw phokhañ munapcänti, ucatpï jupanacjjarojja cuntejj arust'äwin yatiycäyäta uca mutuyäwi apayantjja.’ ”

Jeremías 26:13

Sarnakäwinacamsa, luräwinacamsa asquichasipjjam, jumanacan Tatitu Diosamaruraqui ist'apjjam, ucatsti jupajj janiw cuna jach'a t'akhesiñanactejj arsqui ucanacjja apayanipcätamti.

Jeremías 38:21

Tatitusti nayarojj yatiyaraquituwa cunatejj jumarojj pascätam ucanacata, juma jach'a reyejj janitejj jayscäta ucapachajja.

Jeremías 7:23

Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Amós 5:4

Aqham siw Tatit Diosajj israelitanacarojja: “Nayaru thakapjjeta, ucatsti jacasipcätawa.

Amós 5:6

Tatitur thakapjjam, ucatsti jacasipcätawa; jan ucasti jupajj ninjamaw aktani Israel marcjjarojja, janiraquiw uc jiwarayirejj qhitis Betel marcanjj utjcaniti.

Hechos 26:29

Ucjjarusti Pablojj saraquïnwa: —Mä juc'atsa jan ucajj waljatsa, Diosajj munpan juman nayjama tucuñama uqhamarac qhitinacatejj jichhajj ist'apquit ucanacasa. Ucatsipan jan nayjamajj cadenamp ñach'atäcaracpati —sasa.

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.