2 Corintios 6:16 - Qullan Arunaca

¹⁶ Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Aymar Bibliia 1986

¹⁶ Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Qullan Arunaka DC

¹⁶ Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

2 Corintios 6:16 Jak'a apnaqawi uñst'ayäwi

1 Reyes 18:21

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

Salmos 90:1

Tatay, mitat mitjjar jakenac taypinjja, jumaw nanacan imantasiñajjätajja.

Éxodo 20:3

“Janiw jumajja nayat sipana yakha diosanacjja uscusïtati.

Éxodo 23:13

“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 31:1

Tatitojj siwa: “Uca urunacanjja nayaw take Israel tribunacan Diosapäyäjja, jupanacasti nayan marcajjäpjjaraquiniwa” sasa.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Ezequiel 11:20

Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Ezequiel 36:28

ucatsti cawquïri oraktejj nayra awquinacamar churcäyät uca oraken jacapjjaraquïta, jumanacasti nayan marcajjaw tucupjjaraquïta, nayasti jumanacan Diosamaraquïyäwa.

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Ezequiel 43:9

Uqham jan take chuymampi sarnakañanacsti nayatjja jayar apakapjjam, reyinacaman lantinacapa lurasitanacamsa, nayasti jupanac taypin wiñayataquiw jacaraquï.

Oseas 14:8

Efrainasti saraquiniwa: “Cunäpas jichhajj c'ari diosanacajja” sasa. ¡Nayaw uñjasta, imasiracta marcajjarojja! Nayajj mä pino kokjama ch'ojjñaquipunïsctwa, nayanwa marcajjajj achupjja jicjjataraquini.”

Oseas 2:23

Marcajjarusti orakeruw uscusiraquï, nayataquiquipuniw uscusï; Lo-ruhamatsti qhuyapayasiraquïwa, Lo-amirusti ‘Marcajjätawa’ saraquïwa, Jupasti: ‘¡Diosajjätawa!’ saraquitaniwa.”

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Sofonías 1:5

Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”

Mateo 16:16

Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.

Lucas 5:36

Uqhamaraquiw aca amuyt'äwimp churi: —Janiw qhitis mä merk'e isirojj machak pañompejj remjjatcaspati, uqham lurani ucajj antisaquiw machak isirojj ch'iyjjani, ucampis jan wal uñnakayaspajja uqham mä merk'e isir mä machak pañompi remjjataspa ucqhajja.

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

Juan 6:56

Qhititejj nayan janchejj mank'qui, wilajjsa umcaraqui ucajja nayampejj mayaquiwa, nayasti jupampejj mayaquiraquïtwa.

Romanos 8:11

Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.

Romanos 8:9

Ucampis jumanacajj janiw janchin munañanacapar sirviñataqui jacapctati, jan ucasti Ajayun sirviñataquiw jacapjjta, Diosan Ajayupatejj jumanacjjan jacchi ucqhajja. Qhitinacatejj jan Criston Ajayupanïqui ucanacajj janiw Cristoncquiti.

Romanos 9:26

Uca quipca chekanracwa aqham sï: ‘Jumanacajj janiw marcajjäcjjapjjtati.’ Ucansti jacquir Diosan wawanacapa satäpjjaraquïtawa” sasa.

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.

1 Corintios 6:19

¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Efesios 2:22

Uca pachparaquiw jumanacajj Cristoru mayachatäpjjta, takenimpis mayachasisa mä utaru tucuñataqui, uca utanwa Diosajj Ajayup toke jaqui.

Efesios 3:17

Cristojj chuymanacaman iyawsañ toke jacañapataqui. Uqhamaraquiw mayta jumanacajj munasiñanjja ch'amanïpjjañamataqui suma saphintatjama,

Deuteronomio 5:7

‘Janiw yakha diosanaca utjcätamti nayat sipanjja.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

2 Timoteo 1:14

Jiwasanacan jacqui uca Kollan Ajayun yanapapampejj, imam cuntejj Diosajj catuyctam ucjja.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.

1 Juan 4:15

Qhititejj arsquejja: “Jesusajj Diosan Wawapawa” sasa, uquïrejja Diosanwa jaqui, Diosasti jupanaraqui.

Apocalipsis 2:1

“Éfeso iglesiancquis uca angelar kellkasin apayam: ‘Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

Apocalipsis 21:7

Atipjiristi take acanacwa herenciata catokani. Nayasti jupan Diosapäyäwa, jupasti nayan wawajjäniwa.