2 Corintios 6:17 - Qullan Arunaca

¹⁷ Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Aymar Bibliia 1986

¹⁷ Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Qullan Arunaka DC

¹⁷ Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

2 Corintios 6:17 Jak'a apnaqawi uñst'ayäwi

Esdras 10:11

Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Esdras 6:21

Pascuana mank'añäqui uca mank'atjja take israelitanacaw mank'apjjäna, qhitinacatejj jayar apayatäsina cutt'anipcäna ucanaca, take qhitinacatejj saraktanipcäna jucharar marcana jucha lurañanacapata ucanacamp chicaraqui, jupanacasti chicachasipjjänwa Israelan Diosapar yupaychañana.

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Números 16:21

—¡Jithektapjjam aca marcata, nayaw anchhita jupanacar t'unjä! —sasa.

Números 16:26

Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Números 16:45

—Jithektapjjam take uca jakenacata, nayaw anchhita jupanacar t'unjä —sasa. Moisesampi, Aaronampejj oraker p'ekenacap puriyañcamaw alt'apjjäna,

Hechos 2:40

Aca arunacampi, yakha arunacampi cunaw Pedrojj jupanacar ewjjt'äna, saraquïnwa: —Jethektapjjam aca ñankha jucharar jacañata —sasa.

Romanos 15:7

Uqhamasti, jumanacajj purapat catokasipjjam cunjämtejj Cristojj jiwasanacar catokquistu Diosan gloriapataqui uqhama.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Deuteronomio 14:6

Jumanacasti puedipjjtawa pasto mank'asin qhisthupquis uca animalanac mank'aña, cawquïrinacantejj sillunacapas payaru jaljtatäqui ucanaca.

Apocalipsis 18:4

Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui.