Jeremías 11:4 - Qullan Arunaka DC

⁴ Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Aymar Bibliia 1986

⁴ Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Qullan Arunaca

⁴ Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Jeremías 11:4 Jak'a apnaqawi uñst'ayäwi

Génesis 17:8

Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

1 Reyes 8:51

Juman markamawa, jumankarakiwa; jumaw Egipto markat irpsuntaxa, uka markasti hierro umatatayañ hornor uñtatänwa.

2 Reyes 18:6

Jupasti chiqa chuymanïnwa, janipuniw kunapachas Tatitut saraqtkänti, jan ukasti kuna kamachinaktix Tatitux Moisesar churkatayna ukanak phuqhänwa.

Éxodo 20:6

ukampis nayar munirinakaru, kamachi arunakaxar phuqhirinakarux wawanakapan wawanakaparuw khuyapt'ayta.

Isaías 30:6

Profecía arunaka Néguev chiqankir animalanakxata: Uka axsarkay uraqinakanxa, axsarkay leonanakaw jakapxi, katarinakasa, chhiqhan katarinakas ukan thuqhunaqapxi, uka chiqanjam qamir kankañanakap asnoru, camellor khumuntat apapxi, Egipto markaruw jan kunatak inamay apapxi,

Isaías 48:10

Nayaw jumarux q'uma tukuysma, t'aqhisiñ tuqiw q'umachsma, janiw qullqi katuqañ laykuti.

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Jeremías 32:28

Jichhasti nayax sismawa: Babiloniankir Nabucodonosor reyimpi, soldadonakapampiw Jerusalén marka katuntasipxani.

Jeremías 38:20

Jeremiasasti ukxarux sarakïnwa: —Juma, jach'a reyix janiw jupanakan amparaparux jalt'kätati. Jach'a rey, Tatitun arunakapar jaysam, kuntix jumaru yatiyksma uka arunakaru, ukapachasti taqi kunas walikïskakiniwa, janiw jiwayatäkarakïtasa.

Ezequiel 11:20

Ukapachaw jupanakax nayan kamachinakarjama, arsutanakaxarjam jakapxani. Jupanakax nayan markaxäniwa, nayasti jupanakan Diosaparakïyäwa.

Ezequiel 14:11

ukhamat Israel markax jan juk'ampi nayat jithiqtxañapataki, janirak uka ñanqha lurañanakampis q'añuchjasiskañapataki. Jupanakax nayan markaxäniwa, nayasti jupanakan Diosaparakïyäwa. Naya, Tatituw uk arsta.”

Ezequiel 36:28

ukatsti nayra awkinakamar churata uraqin jakxapxäta, jumanakax nayan markaxäpxätawa, nayasti jumanakan Diosamarakïyäwa.

Ezequiel 37:23

Janirakiw wasitat uka axtaskañ diosanakar yupaychasaxa, kunayman juchanak lurasas q'añuchaskxapxaniti. Nayaw jupanakarux jan chiqapar sarnaqatanakapat qhispiyxä, juchanakapatsa q'umachxarakï. Jupanakax nayan markaxäniwa, nayasti jupanakan Diosaparakïyäwa.

Ezequiel 37:27

Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.

Daniel (hebreo) 3:26

Ukham sasinsti, Nabucodonosor reyix horno punkur jak'achasisin art'äna: —¡Sadrac, Mesac, Abed-nego, alaxpach Diosan luqtirinakapa, mistunxapxam, akar jutapxam! —sasa. Uka kimsa waynanakasti nina lawra taypit mistunxapxäna.

Levítico 26:12

jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Levítico 26:3

“Jumanakatix nayan kamachinakaxarjam sarnaqapxäta, arunakaxsa phuqhapxarakïta ukasti,

Zacarías 6:15

Jumanakatix arunakaxar sum ist'apxäta ukapachaxa, jayanakatpach Tatitun utap wasitat sayt'ayañ yanapt'irix jutapxani; ukkhaw jumanakax taqi ch'amani Tatitun nayaru khithanitapxa yatipxäta.

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Deuteronomio 11:27

Jumanakatix jichhürun churapksma uka Tatit Diosaman kamachi arunakap phuqhapxätaxa, aski waxt'äwinak katuqapxäta;

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 5:6

“ ‘Nayätwa juman Tatit Diosamaxa, nayarakiw Egipto markat irpsunsma, kawkhantix t'aqhisiyat jaqïkäyat uka markata.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.