Jeremías 11:3 - Qullan Arunaka DC

³ ukatsti sarakim, naya Tatitu, Israelan Diosapaw sista: Kawkïr jaqitix aka arust'äwir jan phuqkani ukax ñanqhachatäniwa.

Aymar Bibliia 1986

³ ucatsti saraquim, naya Tatitu, Israelan Diosapaw sista: Cawquïri jaketejj jan aca arust'äwiru phokcani ucajj maldecitäniwa.

Qullan Arunaca

³ ucatsti saraquim, naya Tatitu, Israelan Diosapaw sista: Cawquïri jaketejj jan aca arust'äwiru phokcani ucajj maldecitäniwa.

Jeremías 11:3 Jak'a apnaqawi uñst'ayäwi

Jeremías 17:5

Tatitux sarakiwa: “Ñanqhachatäpan jaqinakar alkatasirixa, ñanqhachatäpan pachpa ch'amapar alkatasirixa, ñanqhachatäpan nayat jayarst'ir jaqixa.

Jeremías 22:9

Ukxarusti arusxatapxarakiniwa: ‘Jupanakax kuntix Tatitu Diosapax mä arust'äwi jupanakampi lurkäna uka apanukupxatayna, ukatsti yaqha diosanakaruw killisis yupaychapxarakitayna, ukat ukham uka markarux luri’ ” sasa.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Jeremías 48:10

(¡Ñanqhachatäpan kawkïr jaqitix Tatitun iwxata irnaqañanak jan taqi chuymampi phuqkani ukaxa. Ñanqhachatäpan kawkïr jaqitix jan jiwayañ munkani ukaxa!)

Deuteronomio 27:26

“ ‘Ñanqhachatäpan aka yatichäwinakar jan yäqirixa, janirak ukhamarjam sarnaqki uka jaqixa.’ Uka arsutarusti taqpach markaw sani: ‘Ukhamäpan’ sasa.