Génesis 45:3 - Qullan Arunaca

Joseasti jilanacaparojj saraquïnwa: —Nayajj Joseätwa. ¿Awquejjajj jacasquiti? —sasa. Jupanacasti wali sustjatäpjjänwa Josean nayrakatapan jicjjatasisajja, janiraquiw cun sañsa puedipcänti.

Aymar Bibliia 1986

Joseasti jilanacaparojj saraquïnwa: —Nayajj Joseätwa. ¿Awquejjajj jacasquiti? —sasa. Jupanacasti wali sustjatäpjjänwa Josean nayrakatapan jicjjatasisajja, janiraquiw cun sañsa puedipcänti.

Qullan Arunaka DC

Joseasti jilanakaparux akham säna: —Nayax Joseätwa. ¿Awkixax jakaskiti? —sasa. Jupanakasti Josean nayraqatapan jikxatasisax wali mulljataw uñjasipxäna, janirakiw kunsa ukxarux arsurjamäpkänti.

Génesis 45:3 Jak'a apnaqawi uñst'ayäwi

Génesis 37:20

Jutapjjam, jiwayapjjañäni, ucatsti mä p'iyaru liwintapjjañäni, ucat mä montenquir animalaw mank'antascpacha —sasaw sapjjañäni. —¡Uñjaraquiñäniw cunas samcanacapampejj pasani uca! —sasaw jilanacapajj parlarasipjjäna.

Génesis 42:21

Jupanacasti “Waliquiw” sapjjänwa, ucatsti jupanaccamaw parlarasipjjaraquïna: —Chekpachansa jiwasanacajj jan walpun jilasampejj lurapjjayätanjja. Cunapachatejj achict'ascäna ‘Qhuyapt'ayasipjjeta’ sasajja, ucapachasti jiwasajj janiw jupatjja qhuyapt'ayascäyätanti, llaquita uñjcchïyätan ucasa. Ucatwa jichhajj jiwasaru wact'araquistu t'akhesiñajja —sasaw jilanacapajj parlarasipjjäna.

Génesis 42:22

Ucjjarusti Rubenajj saraquïnwa: —Nayajj sasipcapunsmajjaya: ‘Jan cuns lurapjjamti’ sasajja, ucampis jumanacajj janiw nayarojj ist'apcäyästatejja, jichhasti jiwatapat phokhañasaw wact'istojja —sasa.

Génesis 43:27

Joseasti jupanacarojj: —¿Cunjämäsipctasa, awquimas cunjämäscaraquisa? —sasaw jisct'äna. —¿Jacasquiti awquimajja? —sasaw säna.

Job 23:15

Ucatpï juparojj ajjsartjja; ucanaca amtta ucapachasti ajjsarañat qhathatiractwa.

Job 4:5

Jichhajj jumarojj t'akhesiñajj puriractamwa, ¿ucatsti jichhajj ajjsarayasïtati, qhathatiraquïtati?

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Marcos 6:50

Takpachaniw uñjapjjäna, mulljasipjjaraquïna. Ucampis Jesusajj jupanacaruw parljjayäna: —¡Jan mayjt'asipjjamti, janirac ajjsarapjjamsa, nayäsctwa! —sasa.

Lucas 5:8

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Hechos 7:13

Khepa cuti sarapcän ucqhajja, Joseajj jilanacapampejj uñt'ayasjjänwa. Egiptonquir jach'a reyis yatjjaraquïnwa Joseajj cawquinquirïcantejj uca.

Hechos 9:5

Saulosti ucjjarojj saraquïnwa: —Tata, ¿qhitïtas jumajja? —sasa. Ucatsti uca arojj saniraquïnwa: —Jumajj qhitirutejj arcnakcta uca quicpa Jesusätwa. Wali ch'amaw jumataquejj nayataqui sayt'añamajja. [Juma pachpaw chhojjriñchjastajj cunjämtejj mä vacajj mä ari puntan fierror mat'akt'asajj jupa pachpa chhojjriñchjasejj uqhama —sasa.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.