Génesis 45:3 - Qullan Arunaka DC

³ Joseasti jilanakaparux akham säna: —Nayax Joseätwa. ¿Awkixax jakaskiti? —sasa. Jupanakasti Josean nayraqatapan jikxatasisax wali mulljataw uñjasipxäna, janirakiw kunsa ukxarux arsurjamäpkänti.

Aymar Bibliia 1986

³ Joseasti jilanacaparojj saraquïnwa: —Nayajj Joseätwa. ¿Awquejjajj jacasquiti? —sasa. Jupanacasti wali sustjatäpjjänwa Josean nayrakatapan jicjjatasisajja, janiraquiw cun sañsa puedipcänti.

Qullan Arunaca

³ Joseasti jilanacaparojj saraquïnwa: —Nayajj Joseätwa. ¿Awquejjajj jacasquiti? —sasa. Jupanacasti wali sustjatäpjjänwa Josean nayrakatapan jicjjatasisajja, janiraquiw cun sañsa puedipcänti.

Génesis 45:3 Jak'a apnaqawi uñst'ayäwi

Génesis 37:20

Jutapxam, jiwayañäni, ukatsti mä p'iyaru liwintañäni, ukat mä pampankir animalaw manq'antaskpacha, sasaw sañäni. ¡Jichhaw uñjañäni, uka samkanakapax phuqhasiniti janicha! —sasa.

Génesis 42:21

ukampisa jupanakkamaw aruskipasipxäna: —Chiqpachansa jan walpun jiwasax jilasar lurtanxa. Kunapachatix jupat khuyapt'ayasiñasatak achikt'askäna ukkhaxa, janiw jiwasax llakit uñjkchïyätan ukasa jupar ist'käyätanti. Ukat jichhax jiwasar t'aqhisiñax wakt'arakistu —sasa.

Génesis 42:22

Ukxarusti Rubenax sarakïnwa: —Nayax sasipkapunsmaxaya: “Jan kuns jupar lurapxamti” sasa; ukampis jumanakax janiw nayar ist'apkistati, jichhasti jiwatapat phuqhañasaw wakt'istu —sasa.

Génesis 43:27

Joseasti jupanakar aruntasinxa, jiskt'arakïnwa: —¿Kunjämäsipktasa, awkimas kunjämäskarakisa? ¿Jakaskiti? —sasa.

Job 23:15

Ukanak lup'ista ukapachasti, jupan nayraqatapar uñstañ axsarayastwa.

Job 4:5

Jichhax jumaruw t'aqhisiñax puriraktam ¿axsarayasïtati, khathatirakïtacha?

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Marcos 6:50

taqpachaniw uñjapxäna, mulljasipxarakïna. Ukampis Jesusax jupanakaruw parlxayäna: —¡Jan mayjt'asipxamti, janirak axsarapxamsa, nayäsktwa! —sasa.

Lucas 5:8

Uk uñjasinsti, Simón Pedrox Jesusan nayraqatapar killt'asisin säna: —¡Tatay, nayat jithiqtita, jucharar jaqïtwa! —sasa.

Hechos 7:13

Qhipa kuti sarapkän ukkhaw Joseax jilanakapamp uñt'ayasxäna, Egiptonkir reyis yatxarakïnwa Josean kawki markankirïtapsa.

Hechos 9:5

Saulosti ukxaruw sarakïna: “Tatay, ¿khitirakïtasti?” sasa. Uka arusti sanirakïnwa: “Nayax Jesusätwa, khitirutix jumax arknaqkta, ukätwa; [juma pachpaw chhuxriñchjastaxa, kunjämtix mä vacax mä ari puntan hierror mat'aqt'asax jupa pachpa chhuxriñchjasixa ukhama” sasa.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.