Génesis 45:2 - Qullan Arunaca

² Ucatsti wali jach'at jachäna, take egipcio jakenacaw ucjja yatipjjaraquïna, ucasti faraonan palaciopcamaraquiw purïna.

Aymar Bibliia 1986

² Ucatsti wali jach'at jachäna, take egipcio jakenacaw ucjja yatipjjaraquïna, ucasti faraonan palaciopcamaraquiw purïna.

Qullan Arunaka DC

² Ukatsti Joseax wali jach'at jachäna, taqi egipcio jaqinakaw ukxa yatipxarakïna, uka arusti faraonan jach'a utapkamarakiw purïna.

Génesis 45:2 Jak'a apnaqawi uñst'ayäwi

Génesis 42:24

Joseasti jupanacat sarjjasinjja, wal jachäna. Jupanacan ucar cuttanjjasinsti, jupanacan uñjcataw Simeonarojj wayokjje, ucatsti jupanacan uñjcatawa ñach'antayaraqui.

Génesis 43:30

Uc sasinsti Joseajj chuymapwa ch'alljjtayasïna, ucatsti jachirjamänwa. Janc'aquiw utapar mantawayi, ucansti wal jacharaquïna.

Génesis 45:14

Joseasti Benjamín jilaparojj khomantänwa, ucat jacharaquïna Benjaminasti Josear khomantasisaw jacharaquïna.

Génesis 45:15

Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

Génesis 46:29

Joseajj ordenaraquïnwa mä carro jupatac waquichapjjañapataqui awquipar catoker sarañapataqui. Cunapachatejj jiquintasipjjän ucqhasti awquiparojj khomantasïnwa, ucatsti jaypacharaquiw uqham awquipar khomt'ata jachäna.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Números 14:1

Ucatjja israelitanacajj warariñwa kalltapjjäna, uca arumasa jacht'asisaw khantatipjjäna.

Hechos 20:37

Takeniraquiw jacht'asisa Pablorojj khomantapjjäna jamp'att'apjjaraquïna.

Rut 1:9

Diosajj munpan jumanacan casarasipjjañama, mä cusisiña familia churaracpan —sasa. Ucapachasti Noemí warmejj jupanacarojj jamp'att'änwa jaytawayjjañataqui, jupanacasti wal jachapjjaraquïna.