Génesis 39:4 - Qullan Arunaca Ucatwa Josearojj uywiripajj suma uñjaraquïna, ucatsti jupan yanapiripatwa utt'ayäna, uqhamarac cunatejj utapan utjcän ucanacjjaru munañanïñwa utt'ayaraquïna, take cun jupar catuyaraquïna. Aymar Bibliia 1986 Ucatwa Josearojj uywiripajj suma uñjaraquïna, ucatsti jupan yanapiripatwa utt'ayäna, uqhamarac cunatejj utapan utjcän ucanacjjaru munañanïñwa utt'ayaraquïna, take cun jupar catuyaraquïna. Qullan Arunaka DC Josearusti uka uywiripax sum uñjarakïna, ukatsti jupan yanapiripat utt'ayäna, ukhamarak kunatix utapan utjkäna ukanakxaru munañanïñ utt'ayäna, taqi kun jupar katuyarakïna. |
Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.
Jumanacajj sinti jach'a asquinacwa lurapjjestajja, nayataquisti sinti suma jakenacäpjjtawa, khespiyapjjaraquistawa jacañajjsa, ucampis janiw nayajj kollu tokenacar sarquiristti, t'unjäwisti thaquinjja catjaraquitaspawa, ucatsti nayajj jiwaraquiristwa.
Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,
jichhasti utjaraquituwa, vacanaca, asnonaca, ovejanaca, esclavonaca, esclavanaca; aca ewjja jumaru apayansma, juman suma chuymama suyt'asa’ ” sasa.
Ucampisa Jacobojj sascaquïnwa: —Janiw uqhamäcaspati. Nayajj achict'assmawa, juman nayrakatamantejj qhuyapayasiñam jicjjatsta ucapachajj catoketay aca wajjt'äwjja, jumar uñjatajjasti Diosarus uñjquirista uqhamawa, niyaquejjay jumajj wali suma catokchistajja.
Esausti acatjamatwa jisct'äna: —¿Cunsa luräta take uca uywa tamanacampejja, cuntejj jutasin uñjancta ucanacampejja? —sasa. —Ucajj juman nayat qhuyapt'ayasiñamataquiwa —sasaw Jacobojj saraquïna.
Ucampis Joseajj janiw muncänti, saraquïnwa: —Jumajj uñjtawa, uywirejjajj take yänacapwa nayar catuyitu, nayan acancquipansti janiw jupajj cunatsa llaquiscaraquiti.
Ucampisa Zimri oficialapaw jupa contra tucüna, juparuw catuyatäna ejercitopana mä chicata nuwasiñ carronacapa. Mä urojj Ela reyejj Tirsa marcana, Arsa sat mayordomopan utapanccasinwa machjasiñcama umäna.
Aca tawakosti walicjamaquïnwa Hegai sat chachataquejja, ucatsti munasiñapwa jicjjatäna. Ucampis Hegai chachajj churänwa k'apquir kollanaca jiwaquïñapataqui, uqhamaraquiwa suma mank'anaca churaraquïna, ucjjarusti real sat palacion uywata pakallko warminaca churaraquïna, jupanacampiraquiw irpayaraquïna warminacan palaciopancqui uca suma utanacaru.
Ch'iqhi uywatajj reyirojj cusisiyiwa, ucampis jan cuns lurir uywatajja reyin colerapacwa catokani.
Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.
Ch'iqhi uywatasti utaniruw tucji, jan ist'asiri yokapats jilanquiwa; patronapan wawanacapamp chicaraquiwa herencia catokaraquini.
Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.
Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.
ucatsti sumaru uñjata, munataraquïyätawa Diosan nayrakatapana, uqhamarac jakenacan nayrakatapansa.
Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.
Saúl reyejj mä ewjja Isaí chachan ucarojj ewjjaraquïna, Davidan kheparañapataqui achict'asisa, Davidan wali suma waynätap laycu.
Ucampisa Samuel waynajj jiltascaquïnwa, sarnakatapasti Tatitutaquisa, jakenacataquisa asquiraquïnwa.