Génesis 39:4 - Qullan Arunaka DC

⁴ Josearusti uka uywiripax sum uñjarakïna, ukatsti jupan yanapiripat utt'ayäna, ukhamarak kunatix utapan utjkäna ukanakxaru munañanïñ utt'ayäna, taqi kun jupar katuyarakïna.

Aymar Bibliia 1986

⁴ Ucatwa Josearojj uywiripajj suma uñjaraquïna, ucatsti jupan yanapiripatwa utt'ayäna, uqhamarac cunatejj utapan utjcän ucanacjjaru munañanïñwa utt'ayaraquïna, take cun jupar catuyaraquïna.

Qullan Arunaca

⁴ Ucatwa Josearojj uywiripajj suma uñjaraquïna, ucatsti jupan yanapiripatwa utt'ayäna, uqhamarac cunatejj utapan utjcän ucanacjjaru munañanïñwa utt'ayaraquïna, take cun jupar catuyaraquïna.

Génesis 39:4 Jak'a apnaqawi uñst'ayäwi

Génesis 15:2

Ukampis Abram chachax sarakïnwa: —Dios Tatay, ¿kunatakirak walïni uka churatamasti? Jumax askiw yattax nayan jan wawanïtaxa. Jumax janiw mä wawsa churkistati, taqi kunatix utjkitu ukxa, Damasconkir Eliézer uywataxakiw katxani —sasa.

Génesis 18:3

ukatsti sarakïnwa: —Tatanaka, achikt'apxsmawa, janikiy mäki sarapxamti.

Génesis 19:19

Jumanakax taqi kunan yanapt'apxista, nayatakisti sinti suma jaqinakäpxtawa, jakañaxsa qhispiyapxistawa, ukampis janiw nayax qullunakar sarkiristti, t'unjäwisti thakhin katjarakitaspawa, ukatsti nayax jiwiristwa.

Génesis 24:2

Mä urusti, Abrahamax uywatanakapat jilïrïki ukaruw jawsäna, khititix taqpach yänakap uñjirïkäna ukaru, ukat jupar sarakïna: —Nayan lankhu chara manqhäxar amparam ucham,

Génesis 32:5

5 (6) jichhasti utjituw vacanaka, asnonaka, ovejanaka, uywatanaka chachatsa warmitsa; aka iwxa jumaru apayansma, jumax suma chuymampi nayar katuqt'añamataki’ ” —sasa.

Génesis 33:10

Ukampis Jacobux saskakïnwa: —Janiw ukhamäkaspati. Nayax achikt'asïma, juman khuyapayasiñamtix jikxatsta ukaxa, aka churäwi katuqt'ita, jumar uñjataxasti Diosarus uñjkirista ukhamawa, juman nayar wali sum katuqatam layku.

Génesis 33:8

Esausti akatjamat jiskt'äna: —¿Kun munasarak thakhin jutkasin jikxatkta uka uywa tamanak apayanistasti? —sasa. Jacobusti sarakïnwa: —Ukax juman nayat khuyapt'ayasiñamatakiwa —sasa.

Génesis 39:8

Ukampis Joseax janiw munkänti, sarakïnwa: —Uywirixax taqi yänakap nayar katuyitu, nayan uka yänakap uñjaskataxatsti, jupax janiw kunatsa llakiskiti.

1 Reyes 16:9

ukampis ejercitopan Zimrí sat jilïripaw jupatak sayt'äna, juparuw ejercitopana mä chikat nuwasiñ carronakapa katuyatäna. Mä urusti, Elá reyix Tirsá markana, reyi utapa apnaqir Arsá chachan utapankaskänwa, ukansti machjasiñkamaw umäna.

Ester (hebreo) 2:9

Hegai chachatakisti Ester tawaqux chuymapar purkirïnwa, ukat jupax jank'akiw jiwakïñapatak suma jawisiñanak churäna, suma ajllit manq'anak churarakïna. Ukxarusti reyin utapan utjir uywatanakatxa, paqallqu q'axu tawaqunakaruw Esteran luqtiripat uchäna, ukatsti Ester tawaqurux luqtirinakamp chikaw warminakan jach'a utapan utjir mä suma utar ucharakïna.

Proverbios 14:35

Ch'ikhi uywatax reyir kusisiyiwa, jan p'inqan uywatasti reyirux q'apisiyiwa.

Proverbios 16:7

Jaqin sarnaqäwipax Tatitur kusisiyki ukapachax, uñisirinakapamppacharuw sumankayi.

Proverbios 17:2

Ch'ikhi uywatax jan ist'asir yuqan uywiriparuw tuku; jupasti mayni jilanakampiw tuti katuqarakini.

Proverbios 22:29

Lurañap sum lurir jaqix, reyinakan luqtiripäniwa, janiw jan yäqat jaqinakan luqtiripäkaniti.

Proverbios 27:18

Higo yapu sum uñjir jaqix, achupat manq'asini; uywiripar sum uñjir jaqisti, jach'añchäwinak katuqani.

Proverbios 3:4

ukhamat khuyapayasiñampi, sumar uñjatäñamp jikxatäta Diosan nayraqatapansa, jaqinak taypinsa.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Rut 2:6

Yawthapirinakan jilïripasti sänwa: —Uka tawaqux Moab markankiriwa, Noemí mamamp chikaw purini.

1 Samuel 16:22

Saúl reyix Davidar wali munasitap laykusti, mä iwxa Jesé chachar apayäna, Davidan jupamp chika qhiparañapataki.

1 Samuel 2:26

Ukchañkamasti Samuel waynax jiltaskakïnwa, sarnaqäwipasti Tatitutakisa, jaqinakatakisa askïnwa.