Génesis 39:5 - Qullan Arunaka DC

⁵ Kunürutix Potifarax Josear taqi yänakap apnaqañapatak utt'aykäna uka urusti, Tatitux Potifarar utapansa, yapunakapansa askinak waxt'äna.

Aymar Bibliia 1986

⁵ Cunürutejj Potifarajj Josearu take yänacapjjaru utt'aycän uca urutsti Tatitojj Potifararojj bendicïnwa, utapansa, yapuchan orakepansa.

Qullan Arunaca

⁵ Cunürutejj Potifarajj Josearu take yänacapjjaru utt'aycän uca urutsti Tatitojj Potifararojj bendicïnwa, utapansa, yapuchan orakepansa.

Génesis 39:5 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 19:29

Ukham Diosax qhirwa tuqinkir markanak t'unjäna, kawkhantix Lot chachax jakkäna uka markanaka, ukampis Abrahamat amtasisin Lot chacharux uka chiqat irpsuwayxarakïna.

Génesis 30:27

Ukampis Labanax ukxaruw säna: —Janikiy saramti, akankaskakiñäni. Tatituw uñjayitu juma tuqi aski waxt'äwinak nayar churatapa.

Salmos 21:6

6 (7) Jan tukuskir askinak jupar churtaxa; jupamp chik sarnaqatam laykuw kusisiytaxa.

Salmos 72:17

¡Reyin sutipax wiñayatakïpan; aytat kankañapasti intir uñtat utjapunpan! ¡Taqpach markanakax jupa tuq askinak katuqapxpan! ¡Taqpach markanakasti “kusisiñanïtawa” sapxpan!

Hechos 27:24

Uka angelasti situwa: “Pablo, jan axsaramti, jumax Roma marka apnaqir Cesar jilïrin nayraqatapar uñstañamawa. Diosax jumïpan jumamp chik aka barcon saririnakar jiwañat qhispiyani” sasa.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.