Proverbios 27:18 - Qullan Arunaca

¹⁸ Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.

Aymar Bibliia 1986

¹⁸ Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.

Qullan Arunaka DC

¹⁸ Higo yapu sum uñjir jaqix, achupat manq'asini; uywiripar sum uñjir jaqisti, jach'añchäwinak katuqani.

Proverbios 27:18 Jak'a apnaqawi uñst'ayäwi

2 Reyes 18:31

Ucampis jumanacajj jan jupar ist'apjjamti. Asirianquiri reyejj qhitanituwa jumanacaru yatiyañajjataqui: ‘Jumanacajj nayampi sumaru mantañäni, ucatsti nayar jumanacajj catuyasjjapjjam, ucatjja jumanacajj sapa mayniwa uva yapumata mank'asisipcäta, uqhamarac higo yapumatsa, phuch'umatsa umsa umasisipcaraquïta.’

2 Reyes 3:11

Ucatjja Josafat reyejj jisct'araquïnwa: —¿Janit aca chekana Tatitun mä profetapajj utjqui, jupa toke Tatitur jisct'añataquejja? —sasa. Ucatsti Israel reyin mayni oficialapajj sänwa: —Acajjay Safat chachan Eliseo yokapajja, jupasti Eliasan yanapiripänwa —sasa.

2 Reyes 5:25

Ucjjarusti jupajj Eliseo uywiripan ucaruw sarjjäna, Eliseosti juparojj jisct'änwa: —¿Cawquitsa Giezi jutascta? —sasa. Giezi uywatasti ucjjarojj sänwa: —Janiw nayajj cawquirus sarcti —sasa.

2 Reyes 5:27

Ucampis Naamanan lepra usupaw jumaru maqhatätam, uqhamarac juman wawanacamarusa wiñayataqui. Ucatjja cunapachatï Giezi uywatajj Eliseota sarakawayjjäna ucqhajja, wali lepra usunëjjänwa, qhunur uñtata jank'oquiraquiwa uñtasïna.

Ester (hebreo) 6:11

Amán chachajj isi, caballo aptanisajja, Mardoqueoru isthapiyasasti, caballoru lat'jjatawayasinwa marca plazanjama muytayanïna, jupa nayrakatanjja aqham sas arnakasisa: ‘¡Aqhama uñjatawa reyejj qhiti chacharutejj jach'ar aptaña munqui ucarojja!’ sasa.

Salmos 123:2

Achict'asiñ chuymampiw Tatit Diosajjarojj uñtapjjta, qhuyapayasiñap suyasa; uywatanacajj uywiripat suyapqui uqhama, uywat warmejj uywiripat suyqui uqhama. Nanacajj Tatitun qhuyapayasiñap suyasipcaracta.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Proverbios 17:2

Ch'iqhi uywatasti utaniruw tucji, jan ist'asiri yokapats jilanquiwa; patronapan wawanacapamp chicaraquiwa herencia catokaraquini.

Proverbios 22:29

Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.

Proverbios 27:17

Cunjämatejj hierrojja yakha hierrompi lek'jasa ariptayatajja, uqhamaraquiw jakejj jake masipampi suma amuyt'ayataraqui.

Proverbios 27:19

Cunjämatejj jakejj umar uñjjatasina ajanupa uñjasquejja, uqhamaraquiw jakenacajja chuymanacapjja uñt'asipjjaraqui.

Cantar de los cantares 8:12

Salomón, waranka kollkpachaw jumataqui, pä pataca kollkesti uñjirinacamataquiwa. ¡Nayasti uva yapojjwa uñjasiscta!

Isaías 36:16

jan juparojj ist'apjjamti. Asirianquir reyejj qhitanipjjetuwa, jumanacajj jupampi sumar mantapjjañamataqui. Catuyasjjapjjam, ucatsti sapa maynis uva yapupatjja mank'asiscaniwa, higo yapupatsa uqhamaraqui, sapa mayniraquiw pachpa uma phuch'upat umasiscani.

Mateo 24:25

Take acanacsti jumanacarojj nayrakatwa yatiyapjjsma.

Mateo 24:46

Cusisiñaniw qhiti uywatarutejj utanejj purinisin take cunsa suma phokhasquiriru jicjjatqui ucajja.

Marcos 10:43

Jumanacampisti janiw uqhamäcaniti. Ucatsipana jumanac taypin jilïriñ munirejja mayninacar sirviñapawa.

Lucas 12:37

Cusisiñanïpjjewa cawquïr uywatanacarutï uywiripajj suyquiri jicjjatqui ucanacajja. Khanacwa sapjjsma, uca uywiripajj jupa quicpaw wact'ayasin mesar kont'ayasajj mank'jja loktaraquini.

Lucas 12:42

Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

Lucas 19:17

Reyisti juparojj saraquiwa: ‘Waliqui; suma sirvirïtawa, niyaqui uc phokhañ yatstajja, tunca marcan jilïripat uchäma’ sasa.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Hechos 10:7

Corneliomp parlcäna uca angelan sarjjatapatsti, jupajj uywatanacapat paniniruw jawsäna, uqhamarac maynïri soldadorusa. Uca soldadosti wali Dios chuymänwa, Cornelionsa wali munataraquïnwa.

1 Corintios 3:8

Yapuchirisa, karpirisa mayaquiwa, Diosajj sapa mayniru luräwipatjam churcchini ucasa.

1 Corintios 9:13

Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.

1 Corintios 9:7

¿Qhiticha soldado sirviñanjja pachpa kollkepampi phokhanejja? ¿Qhitich jan ucajj uva yapuchasajj uvjja jan mallt'quejja? ¿Qhitich jan ucajj oveja awatisajj ovej lechsa jan mallt'caraquejja?

Colosenses 3:22

Esclavonacasti uywirinacamarojj ist'apjjaraquim aca orakenjja, janiw jupanacan uñjcataqui cunsa sum lurirjam tucupjjañamäquiti, jan ucasti take chuymaw Diosar ajjsartasa sirvipjjañamajja.

2 Timoteo 2:6

Qhititejj yapun irnakqui ucajja, waquisiw nayrakat cosecha catokañapajja.

1 Pedro 2:18

Uywatanaca, uywirinacamaru ist'apjjam janiw suma jakenacäqui ucanacaruquiti, jan ucasti khorunacäqui ucanacarus ist'apjjaraquim.

1 Pedro 2:21

Ucataquipï Diosajj jawsapjjtamjja, Cristojj jumanac laycuw t'akhesïna, jumanacar mä uñacht'äwi churasa, uqhamat cayup arcapjjañamataqui.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’