Proverbios 16:7 - Qullan Arunaca

⁷ Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Aymar Bibliia 1986

⁷ Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Qullan Arunaka DC

⁷ Jaqin sarnaqäwipax Tatitur kusisiyki ukapachax, uñisirinakapamppacharuw sumankayi.

Proverbios 16:7 Jak'a apnaqawi uñst'ayäwi

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Génesis 33:4

Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

2 Crónicas 17:10

Uccacamasti Judá marcaru muytatäpcäna take uca marcanacana reinonacapawa Tatitur wali ajjsarapjjäna ucatsti janiw Josafat reyimpi nuwasi munapcänti.

2 Crónicas 20:30

Uqhamawa Josafatan reinopajja sumaqui sarantäna, Diosaw jupar samara churäna marca jac'anacapampi.

Esdras 8:36

Ucatsti churapjjaraquïnwa reyin arunacapa uca reinon jilïrinacaparu, uqhamarac Eufrates jawirata inti jalanta tokenquiri provinciana gobernadoranacaparusa, jupanacasti: “Waliquiw” sasaw yanapapjjäna marcarusa, uqhamarac Diosan temploparusa.

Salmos 69:31

Tatitusti ucampejj juc'amp cusisini, mä toro loktäwimp sipana, wajjranacani, sillunacani vaca kallu loktäwimp sipana.

Éxodo 3:21

Ucampis, nayaw egipcionacarojj suma chuyman tucuyäjja, jumanacaru suma uñjapjjañapataqui, cunapachatejj sarjjapjjäta ucqhajja, jani jan cunan sarapjjañamataqui.

Proverbios 16:8

Lunthatasiñanacampi waljanaca jicjjatañata sipansa, juc'amp asquiwa chekapa lurañampi juc'aqui jicjjatatajja.

Proverbios 3:17

Jupan sarnakäwipar arctañasti asquiwa, thaquipan sarnakañasa suman jacañaraquiwa,

Jeremías 15:11

Tata, janitejj nayajj jumaru suma sirvcsma ucapachasti, uca maldicionanacapajj phokhaspan, janitejj nayajj uñisirinacajjataqui achict'ascsmajja, cunapachatejj jupanacajj llaquisiñancapjjäna, jan walt'añancapjjaraquïna ucapachajja.

Jeremías 39:12

“Jeremiasarojj juma quipca uñjam, janiraqui cuna ñankhsa luramti, jan ucasti take cuntejj maycätam uca churaraquim” sasa.

Jeremías 42:12

Nayasti jumanacatjja qhuyapt'ayasipjjämawa, jupasa jumanacatjja qhuyapt'ayasipjjaraquïtamwa, ucatsti aca pachpa orakeparuw cuttayanjjapjjaraquïtpa.’

Daniel (hebreo) 1:9

Diosan asquip laycusti reyin palaciopan sirvirinacapan jilïripajja Danielarojj sumwa uñjäna.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Filipenses 4:18

Nayajj takwa jilarquir catokjjta. Epafroditompi apayanipquistas ucjja, jichhasti jilarquiriw utjitu. Cuntejj apayanipquistas ucajj mä suma k'apquiri inciensöcaspas uqhamwa Diosajj mä suma sacrificiot catokaraqui.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Colosenses 3:20

Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja.

Hebreos 13:21

Diosasti jumanacarojj k'om tucuypan, sumaquiraqui take cunansa, munañapa lurasiñapataqui, jiwasampisti cuntejj lurañ munqui uc luristpan, Jesucristo toke. ¡Jesucristojj jach'achatäpan wiñayataqui! Uqhamäpan.

1 Pedro 3:13

¿Qhitirac jumanacarusti jan walinac lurapjjeristamsti, jumanacatejj asqui lurañanacan sarnakasipcsta ucqhasti?

1 Juan 3:22

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.