Génesis 22:3 - Qullan Arunaca

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

Aymar Bibliia 1986

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

Qullan Arunaka DC

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

Génesis 22:3 Jak'a apnaqawi uñst'ayäwi

Génesis 17:23

Ucürpacharaquiw Abrahamajj Ismael wawaparojj circuncidäna, uqhamarac kawkha sirvirinacapatejj utapan nascatayna ucanacarusa, uqhamarac cawquïri jakenactejj kollkempi alascatayna ucanacarusa circuncidaraquïnwa. Take jakenaca utapan jacapcäna, uqhamarac sirvipcäna ucanacasa circuncidataraquïnwa, cunjämtejj Diosajj siscatayna uqhamarjama.

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 22:18

take marcanacaraquiw jupanac toke bendicitäni, nayaru jaysatam laycu’ —sasa.

Génesis 22:2

Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Génesis 22:4

Quimsa uru saratatsti Abrahamajj, cawqharutejj puriñapäcän uca chekjja jayat uñtäna.

Salmos 119:60

Janc'aquiw sartasta, jan suyasaraquiw arsutanacam phokta.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Mateo 10:37

“Qhititejj awquiparu, taycaparu nayat sipan juc'ampi munqui ucajja, janiw nayatacjamäquiti. Qhititejj yokaparu uqhamarac phuchaparu sinti munqui nayat sipanjja ucajja, janiw nayatacjamäcaraquiti.

Lucas 14:26

“Maynitejj nayar jutchi, ucatsti awquiparu, taycaparu, warmiparu, wawanacaparu, jilanacaparu, cullacanacaparusa, uqhamaraqui jacañaparusa juc'ampi munaschi nayat sipansa, ucajja janiw nayan discipulojjäcaspati.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Josué 3:1

Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

Josué 8:10

Khepärmanthisti Josué chachajj wali alwat sartasïna, takpach ejercitopar aruntasina, ucatsti take jakenacampiw nayrar saräna janc'aqui Hai sat marcar t'unjañataqui.