Génesis 22:2 - Qullan Arunaca

² Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Aymar Bibliia 1986

² Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Qullan Arunaka DC

² Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Génesis 22:2 Jak'a apnaqawi uñst'ayäwi

Génesis 17:19

Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Génesis 21:12

Ucampis Diosajj Abrahamarojj sänwa: “Jan jumajj llaquisimti uca wawatjja, uqhamarac sirvirimatsa. Cuntejj Sara warmimajj mayctam ucanacjja phokhascaquim, wawanacamasti Isaacatwa sartapjjaraquini.

Génesis 21:3

Abrahamasti Sara warmipat nacir wawarusti Isaac sasaw suticharaquïna,

Génesis 22:12

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

Génesis 22:16

aqham sasa: —Tatitojj aqham siwa: ‘Jichhajj aqham luratamata, mä sapa wawama sacrificiot loktaniñsa janiraqui ‘Janiw’ satamatjja, naya quipcaw juramentompi arsta,

Génesis 22:3

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

Génesis 22:9

Cawqharutejj Diosajj uñacht'aycatayna uca chekar purisinsti Abrahamajj mä altar luräna, uqhamarac lawanacsa suma waquicht'i altar patjjaru, ucatsti Isaac wawaparuw catuntasin ñach'anti, altarjjaruw wayjjataraqui, lawa patjjaru.

Génesis 8:20

Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

2 Reyes 3:27

Ucatsti jilïr yokaparu catusinwa, qhititejj jupa lanti apnakañapäcäna juparu jiwayasajja perka patana ninar naqhantayasa mä naqhantayat loktäwi loktäna. Ucasti israelitanacataquejj colerasïñänwa, ucatwa jupanacajj ucqhata sartasinjja orakeparuwa cutt'anjjapjjäna.

2 Crónicas 3:1

Salomonajj Jerusalén marcanjja Tatitutaqui mä templo lurañyawa kalltäna, Moriah kolluna, cawqhantejj Tatitojj uñstcäna David awquiparu ucqhana, uqhamaraqui cawqharutejj Davidajj waquichcäna ucqharu, jebuseo Ornán chachajj trigo jawk'ascäna ucqharu.

Miqueas 6:7

¿Tatitusti cusisiraquispati jupar waranka ovejanaca, jan ucajj tunca waranca aceite jawiranaca churirista ucajja? ¿Jan ucajj jilïr yokall wawajjcha loktirista, Dios contra sayt'asitajjata, uqhamarac juchajjatsa?

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Hebreos 11:17

Abrahamajj iyawsäwi laycuraquiw, cunapachatejj Diosajj yant'cäna ucapachajj Isaac wawapjj apanïna sacrificion loktañataqui. Jupajj janc'aquïnwa uca mä sapa wawap loktañataquejja, Diosajj juparojj arsuwaycchïn ucasa:

Jueces 11:31

nayajj ninaru phichhantata sacrificio loktäma, qhititejj utajjata nayrakata mistsuncani nayaru catokeri, cunapachatejj nuwasïwita cutt'jjä ucqhajja” sasa.

Jueces 11:39

Ucat pä phajjsitsti awquipan ucaruw cutt'jjäna. Ucampis awquipajj phokhänwa cuntejj Diosaru arscatayna ucampi. Uqhamawa Jefté chachan phuchapajj jiwjjäna jan qhiti chachampis wachoka juchar puriwayasina.