Gálatas 1:16 - Qullan Arunaca

¹⁶ Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Aymar Bibliia 1986

¹⁶ Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Gálatas 1:16 Jak'a apnaqawi uñst'ayäwi

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Mateo 26:41

Jichhajj jan iquipjjamti, jan ucasti Diosatjja mayisipjjamaya, jan yant'äwir puriñataqui. Chekpachansa ajayojj lurañatakejj janc'aquiwa, ucampis janchejj t'uqhawa.

Hechos 22:21

Ucampis Tatitojj situwa: ‘Saram, nayajj jumarojj wali jayaruw qhitäma, jan judiöpquis ucanacaru’ ” sasa.

Hechos 5:42

Jupanacasti janipuniw sapürusa amuct'apcänti Jesucristjjat yatichaña, parlañsa, templona uqhamarac utanacansa.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Hechos 9:20

Ucatsti Saulojj sinagoganacanjja Cristotwa parlañ kalltäna: “Jesusajj Diosan Yokapaw” sasa.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 11:13

Jan judiöpctas ucanacaruw parlapjjsma. Diosatejj jan judiöpquis ucanacar qhitanchitojja, wali munasiñampiw irnakta.

1 Corintios 15:50

Jilatanaca, sañ munapjjaracsma, acapach janchejj janiw Diosan reinoparu mantcaspati. Jan wiñayataquïqui ucasti janiraquiw wiñay marcanccaspati.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Gálatas 2:1

Tunca pusini mara pasatatsti, wasitampiw Jerusalén marcaru Bernabeampi sarapjjta, Titorus nayamp chicaw irparacta.

Efesios 3:1

Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Efesios 6:12

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Deuteronomio 33:9

cawquïritejj awquinacaparojj: ‘Janipuniw uñjcti’ sisqui, jilanacaparusa: ‘Janiw uñt'caractti’, wawanacaparojj: ‘Janiw yatctti, qhitïsipcchejja’ sasa. Jupanacasti arunacamaruw phokhapjje, jupanacasti arust'äwinacam phokhañaruw catuyasipjjaraqui.

1 Tesalonicenses 2:16

Cunapachatejj nanacajj jan judiöpquis ucanacar Diosan arunacap parlañ munapjjtjja jupanacan khespiyasipjjañapataqui ucqhajja, janiw parlayapquituti. Uqhamatwa juc'amp juchanacapjj yapjjatasi. Ucampis jichhajj Diosan ajjsarcañ mutuyäwipawa jupanacjjar juti.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.

Hebreos 2:14

Mä familian wawanacapajj mä janchita, uqhamarac mä wilat jutiriquiwa; Jesusajj janchimpit wilampit jutaraqui uqhamat jiwañapataqui, ucatsti qhititejj jiwayañatac ch'amanïcän ucaru t'unjañataqui, ucasti Supayawa.