Eclesiastés 9:10 - Qullan Arunaca

¹⁰ Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Aymar Bibliia 1986

¹⁰ Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Qullan Arunaka DC

¹⁰ Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Eclesiastés 9:10 Jak'a apnaqawi uñst'ayäwi

Génesis 37:35

Yokanacapasa, phuchanacapasa chuymachasipcaraquïnwa, ucampis Jacobojj janiw chuymt'cänti, jan ucasti wawapatjja wal jachäna, saraquïnwa: “Nayasti wawajjatjja lutusïwa, jiwatanac taypin jupampi jiquiscä ucacama” sasa.

1 Crónicas 22:19

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Nehemías 2:12

arumaw sartasta mä kawkha chachanacampi sarañataqui, ucampisa janiw qhitirusa cunsa camscti cuntï Diosajj Jerusalenataqui luraña amuyt'ayquitäna ucjja. Nayajj janiw yakha uywa irpcäyätti, jan ucasti cawquïri uywarutejj lat'jjatata sarcäyäta ucacwa irpasïyäta.

Nehemías 4:2

masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.

Nehemías 4:6

Uqhamasti perkjja sayt'ayasipcactwa, ucasti chicacama luratäjjänwa. Jakenacasti take chuymawa lurapjjäna.

Job 10:21

janïra cunatejj jan mayampitaqui sarañäcjje ucar sarjjarcjjepana, cawqhatejj ch'amacäqui, ch'amacanacas jan walïqui ucaru,

Job 10:22

cawqhantejj ch'iwisa jan walt'añasa utjqui ucaru, cawqhantejj pachpa khanasa ch'amacampejj mayaquïcjje ucaru.’ ”

Job 21:13

Wali kamiriw sarnakawayapjje, kamiriw jiwawayjjapjjaraqui.

Salmos 6:5

janiw qhitis jiwatanac taypin art'asquiristamti, ¿qhitirac mankhapachan jach'añchiristamsti?

Proverbios 3:28

Jichhüru yanapt'irjamäscsta ucjja, jan kharürutac imasimti. Jan jake masimarojj samti ‘Sarjjaquim, kharüruw cutt'anïta, ucqhawa churäma’ sasa.

Eclesiastés 11:3

Kenayanacatejj wali mistuni ucqhajja, jalluw oraker purintani. Mä kokajja amstarusa jan ucajja aynacharusa liwisiscpan, cawqharutejj liwnoktqui ucqhancapuniniwa.

Eclesiastés 11:6

Alwatajja yapucham, jayp'usa yapucharaquim, janiw jumajj yatctati cunjämäcanitejj nayra, uqhamarac khepa yapuchatasa, jan ucajj paypach satas mayac jilapjjchini.

Isaías 38:10

“Nayajj sascäyätwa: ‘Waynpachaya jiwawayjjchï, mä jacañaruquiy sarjjchï, ucanacjjay wiñay jacjjchï.’

Jeremías 29:13

Nayarusti thakapjjetätawa, ucatsti jicjjatapjjaraquitätawa, take chuymampi nayar thaktapjjatam laycu.

Números 13:30

Ucapachasti Caleb chachajj Moisesan nayräjjapanccäna uca jakenacarojj amuct'ayänwa aqham sasa: —Sarapjjañäni uca orake catuntañataqui, jiwasasti catuntañäniwa.

Mateo 20:7

Jupanacasti sapjjewa: ‘Janiw qhitis nanacarojj irnakañataqui mayipquituti’ sasa. Ucatwa jupajj jupanacaru sï: ‘Sarapjjam nayan yapojjaru, ucatsti irnakapjjam, nayasti cunatï waquisqui ucwa pagapjjäma’ sasa.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Juan 4:34

Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.

Juan 5:4

Mä angelaw yakhep horasanacajj sarakanirïna uca estancjjaru uca um onjjtayañataqui. Qhititejj nayrakat uca onjjtat umaru mantirïcän ucajja kollataw uñjasirïna cuna casta usutsa.]

Juan 9:4

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Romanos 12:11

Ch'amañchasipjjam, janipun jayrasipjjamti, Tatiturusti take chuyma sirvipjjam.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

1 Corintios 16:10

Timoteo purinin ucqhajj janiw cunatsa llaquisiyapjjätati; c'uchiqui sarnakasiyapjjäta, jupasti nayjamaraquiw Tatitun luräwipanjja irnake.

1 Corintios 9:24

Jumanacajj yatipjjtawa, mä atipasiñanjja takeniw jalapjje, ucampis mayniquiw premio catokejja. Jumanacasti jalapjjamaya premio catokañcama.

1 Corintios 9:26

Nayajj janiw ina pampaqui jalcti, janiraquiw nuwasiñansa aleka ina ch'usaru ch'acquiristsa uqham nuwascti.

Efesios 5:16

Jan tiempjja ina ch'usaru tucuyapjjamti, urunacajj jan walëjjatap laycu.

Colosenses 3:23

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

1 Samuel 10:7

Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.