Eclesiastés 9:10 - Qullan Arunaka DC

¹⁰ Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Aymar Bibliia 1986

¹⁰ Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Qullan Arunaca

¹⁰ Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Eclesiastés 9:10 Jak'a apnaqawi uñst'ayäwi

Génesis 37:35

Yuqanakapasa, phuchhanakapas chuymachasipkarakïnwa, ukampis Jacobux janiw chuymachaskänti, jan ukasti wawapat walpun jachäna, sarakïnwa: “Wawaxat llakiskäwiw sarnaqä, jiwatanak taypin jupampi jikisiñkama” sasa.

1 Crónicas 22:19

Ukhamasti, jichhax taqi chuyma Tatit Diosamar thaqtapxam. Tatit Diosan Qullan utap lurañatakix wakicht'asipxam, Tatitun Arust'äwi arcapa, qullan yänakap Diosan utap luratäkani ukar uchañataki” sasa.

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

Nehemías 2:12

janiw khitirus kuntix Tatitux Jerusalén layku lurañ amuyt'aykitäna uk arskäyätti. Ukatsti arumaw sartasin mistuwayta, mä qawqha chachanakamp chika. Nayax janiw yaqha uywa irpkäyätti, jan ukasti kawkïri uywarutix lat'xatata sarkäyäta ukak irpasiyäta.

Nehemías 4:2

2 (34) masinakap nayraqatana, Samariankir ejército nayraqatan judionakat larusïna akham sasa: “Manq'at jiwat judionakax ¿kuns amuyasipxpacha? ¿Wasitat marka sayt'ayasaxa, wilañchanak luqtasipkakïwa, sapxpachati? ¿Mä urunak lurañ tukuyapxä, sasat amuyapxpacha? ¿Jan ukax, uka allthapit taypit machaq qalanak apsupxä sapxpachacha?” sasa.

Nehemías 4:6

6 (38) Ukhamasti, pirqax niya chikakam luratäxänwa, jaqinakasti taqi chuymaw lurapxäna.

Job 10:21

jan mayampitaki sarxañäki ukar janïr sarxarkipana, ch'amakan markaparu, ch'iyär qinayanakan markaparu,

Job 10:22

ch'iwin markaparu, jan walt'añan markaparu, kawkhantix pachpa qhanasa ch'amakampix mayakïki ukaru.

Job 21:13

Wali qamiriw sarnaqawayapxi; jan kuna llakiniw jiwawayxapxaraki.

Salmos 6:5

5 (6) Janiw khitis jiwatanak taypin amtaskiristamti, ¿khitirak manqhapachan jach'añchiristamsti?

Proverbios 3:28

Jichhür yanapt'irjamäsksta ukaxa, jan qharürutak imasimti. Janipun jaqi masimarux samti: “Qharüruw yanapt'äma” sasaxa.

Eclesiastés 11:3

Qinayanakatix uman qinayächi ukaxa, jallux uraqxaruw purxatani. Mä quqax amstarusa, jan ukax aynacharus liwisiskpan, kawkharutix liwnuqtki ukkhankapuniniwa.

Eclesiastés 11:6

Jumax willjtasa, jan ukax jayp'us yapuchaskam, ukampis janiw jumax kawkïr yapun sumäñapsa, jan ukax paypach yapun sumäñapsa yatktati.

Isaías 38:10

Nayax saskäyätwa: Waynpachakiy jiwawayxchï, jiwatanakax kawkhankapkitï ukkharukiy sarxchï, ukanakxay wiñay jakxchï sasa.

Jeremías 29:13

Taqi chuymampi nayar thaqhapxatamatxa, jikxatapxitätawa.

Números 13:30

Jaqinakax Moisesatakiw arusipxäna, ukampis Caleb chachaw uka jaqinakar amukt'ayäna, akham sasa: —¡Uka uraq katuntir sarapxañäni! ¡Jiwasax katuntañäniwa!

Mateo 20:7

Yapunirusti sapxänwa: ‘Janiw khitis irnaqir achikasipkituti’ sasa. Ukat yapunix jupanakar säna: ‘Ukhamax uva yapuxar irnaqir sarasipkam’ sasa.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 5:4

Tatitun angelapaw sapa kuti uka chiqar saraqanirïna, ukat uma unxtayirïna; khititix um unxtipan nayraqat mantirïkän ukakiw usupat waliptirïna.

Juan 9:4

Nayar khithankitu ukan luräwinakap urükipan lurañaxaw wakisi; aruma purinipansti, janiw khitis irnaqkaspati.

Romanos 12:11

Luräwinakansti jan jayrasipxamti, Diosatakix taqi chuyma lurapxam.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 16:10

Timoteotix purininixa, janiw kunatsa llakisiyapxätati; jumanak taypin jikxatasisax k'uchikïpan; jupasti nayjamarakiw Tatitun luräwipan irnaqi.

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

1 Corintios 9:26

Nayasti janiw juykhur uñtat jalkti, janirakiw nuwasiñansa ina ch'usarus ch'akuntkirista ukham nuwaskti.

Efesios 5:16

Kunatix askïki uk jan inakt'as lurapxam, urunakan jan walïxatap layku.

Colosenses 3:23

Taqi kuntix lurapkäta ukkhasti, taqi chuymapin lurapxam, jan jaqinakatakjamaxa, jan ukasti, Tatiturus luqtapkasma ukham lurapxam.

1 Samuel 10:7

Kunapachatix taqi ukanakax jumamp luraskani ukkhasti, kunatix amuyatamat walïki uk luraskakim, Tatituw yanapt'arakïtam.