Eclesiastés 9:11 - Qullan Arunaca

¹¹ Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Aymar Bibliia 1986

¹¹ Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Qullan Arunaka DC

¹¹ Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Eclesiastés 9:11 Jak'a apnaqawi uñst'ayäwi

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Crónicas 20:15

Jupasti sänwa: “Judá, uqhamaraqui Jerusalén marcan jaquir jakenaca, uqhamarac juma Josafat reyisa, Tatitusti aqham sapjjtamwa: ‘Jan ajjsarapjjamti, janiraqui uca jach'a ejército uñjasinsa sustjasipjjamti, aca nuwasiñajja janiw jumanacancquiti, jan ucasti Diosanquiwa.

Job 34:29

Ucampisa Diosatejj amuct'aspa ucapachasti ¿qhitiraqui juchañchaspa? Diosatejj maysa uñtaspa ucapachasti ¿qhitirac uñjaspa? Jupajj marcanacarusa, jakenacarusa uñjascapuniwa,

Salmos 76:5

Ch'aman jakenacajj jakonucutäpjjänwa, nuwasir jakenacajj janiw nuwasirjamäpcänti, ¡jupanacajj wiñayataquiw icjjapjjäna!

Proverbios 1:5

Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Eclesiastés 2:12

Ucatsti amthapisiractwa yatiñata, pisi amuyt'anïñata, uqhamarac pisi amuyt'anjam parlañatsa. ¿Cunat juc'ampsa luraspa nayjjaru reyïcani ucajja, janiti nayra cunatejj luratäcäna ucaquïcanejja?

Eclesiastés 3:14

Amuyaractwa take cuntï Diosajj lurqui ucajja wiñayäniwa. Ucarojja janiw yapjjatatäcaniti, janiw apakatäcaraquinisa; Diosaw uqham luri, ucarojj ajjsart'añampi uñjatäñapataqui.

Eclesiastés 3:17

Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Eclesiastés 7:13

Sum uñjam cuntï Diosajj lurqui ucjja, ¿qhitis asquichaspa cuntï jupajj lurqui ucjja?

Eclesiastés 9:2

Uqhamasti uca pachpawa takenirusa suyt'asqui asqui jakerusa, jucharar jakerusa, suma jakerusa jan wali jakeru, k'omaru jan k'omaru, sacrificio churirirusa jan churirirusa; uca pachparaquiw suyt'asqui suma jakerusa, jucharar jakerusa, juramento luririrusa, jan luririrusa.

Eclesiastés 9:3

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Jeremías 46:6

¡Wali jalirinacajj janiw jaltjjañataquejj ch'amanïpquiti, janiraquiw jaltañataquejj chamanïpquiti jan ajjsariri jakenacasa! Amsta tokenwa, Eufrates jawir jac'ana lanctasipjje, liwirtapjjaraqui.

Jeremías 48:14

“Moab marcasti jan siscpati: ‘Jiwasajj jan cuna ajjsariri jakenacäpjjtanwa, guerransa nuwasiri ch'amani jakenacäpjjtanwa’ sasajja.

Jeremías 9:23

Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Efesios 1:11

Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

1 Samuel 17:50

Uqhamwa Davidajj filisteo chacharojj atipjäna. Mä k'orawampi, mä kalampiquiw Davidajj filisteo chacharojj jiwt'ayäna, jan espadampiqui,

1 Samuel 6:9

Ucampisa wali uñch'uquipjjaraquim, uca carretatejj Bet-semes sat orakep tokeru sarjjanejja, ucapachajj yatiñäniw Israelan Diosapajj jiwasar mutuyatapa, ucampisa janitejj orakep tokeru sarcani ucapachajj yatiraquiñäniw mutuyäwisajj jan Israelan Diosapat jutatapa, jan ucasti mä jan walt'añaqui jiwasar jutatapa.