Jumanacasti chhojjorasiñanacaman lip'ichi janchinacapwa qharirasipjjäta, ucawa mä chimpüni cuna arust'äwirutejj jumanacampi nayampi mantapctan ucatjja.
Génesis 17:10 - Qullan Arunaca Acaw jumanacampi arust'äwiru mantatajjajja, uqhamarac wawanacaman uca arust'äwjja phokhañapapuniwa: Take chachaw jumanac taypinjja circuncidatäñapa. Aymar Bibliia 1986 Acaw jumanacampi arust'äwiru mantatajjajja, uqhamarac wawanacaman uca arust'äwjja phokhañapapuniwa: Take chachaw jumanac taypinjja circuncidatäñapa. Qullan Arunaka DC Akaw jumanakampi arust'äwiru mantataxaxa, ukatsti wawanakaman uka arust'äwi phuqhañapapunïniwa: Taqi chachanakaw circuncisión katuqapxäta. |
Jumanacasti chhojjorasiñanacaman lip'ichi janchinacapwa qharirasipjjäta, ucawa mä chimpüni cuna arust'äwirutejj jumanacampi nayampi mantapctan ucatjja.
Ucürpacharaquiw Abrahamajj Ismael wawaparojj circuncidäna, uqhamarac kawkha sirvirinacapatejj utapan nascatayna ucanacarusa, uqhamarac cawquïri jakenactejj kollkempi alascatayna ucanacarusa circuncidaraquïnwa. Take jakenaca utapan jacapcäna, uqhamarac sirvipcäna ucanacasa circuncidataraquïnwa, cunjämtejj Diosajj siscatayna uqhamarjama.
utapan utjir take jakenacampi, utapan nacit sirvirinacampi, kollkempi alat jaya jakenacampi cuna. Takpachaniw circuncidatäpjjänjja.
ucatsti nacitapat quimsakallko uru sarakataruw circuncidaraquïna, cunjämarutejj Diosajj sawaycatayna uqhamarjama.
Ucampisa nanacajj maya lurañampiquiw ‘Iyaw’ sapjjerisma: jumanacajj nanacjamäpjjam, take chachanacasti jumanac taypinjja circuncidatcamaquïpan,
Ucampisa mä sapa marcaquïñasataquisti, jupanacajj jiwasanacampi jacañataquejj may mayipjje: Ucasti take jiwasanac taypinquiri chachanacasti circuncidatäpjjpan, cunjämatï jupanacajj circuncidatäpqui uqhama.
Ucampis mayni yakha marcanquiritejj jumanac taypin jacchi, ucat Pascua lurañ munchi Tatitur jach'añchasina ucapachajja waquisiwa familiapanjja takpach chachanaca circuncidatäñapa. Ucatwa lurañ puedipjje, uqhamarac marcasanquirïcaspas uqhamäpjjaraquiniwa. Ucampis jan circuncidatäpqui ucanacasti janiw uca uywjja mank'añ puedcaspati.
Ucampis Moisesan Séfora sat warmipajja kalata lurat mä cuchillompiwa wawaparojj chhojjorasiñapan punta lip'ichi qharekäna, ucatsti uca lip'ichimpi Moisesan chara taypiparu apcatasinwa säna: “Chekpachansa nayataquejj jumaw wila toke chachajjätajja” sasa.
Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.
Ucampis Moisesajj circuncisión lurañwa churapjjtam (janis jupajj kalltcchi ucasa, awquinacamaw kalltäna), ucatpï samarañ urunsa jumanacajj mä wawarojj circuncidapjjtajja.
Diosajj Abrahamampejj mä arust'äwi luri, circuncisión churasina, uca arust'äwit amtasiñataqui. Ucatwa Isaac wawap nacipanjja, Abrahamajj quimsakallko urutjja circuncidäna. Isaacasti uca quicparacwa Jacob wawapampejj luräna. Jacobosti uqhamaraquiw wawanacapampejj luraraquïna. Ucanacasti Israelan tunca payan marcan awquinacapänwa.
Judiöñajja janiw lakäquiñaquïquiti; circuncidatäñasa janiw alek circuncidatäñaquïquiti.
Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.
Jichhajj uñjtanwa mä jakejj iyawsäwi laycuqui Diosan asquit catokatätapjja, janiw cuntejj leyinjja sisqui ucar phokhatap laycuti.
Mä sapa Diosaqui utjchejja, iyawsañ tokew Diosajj catokani circuncidatarus jan circuncidatarusa.
Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.
Cawquïrinacatejj: “Circuncidasipjjapunim” sapctam ucanacajja, jakenacampi asquit uñt'ayasiñ laycuquiw sapjje, uqhamarac Criston crusap laycu jan arcnakayasiñataqui.
Uqhamajj amtasipjjam cunjämäpcäyätatejj nayrajj uca. Janchin jakenacar circuncisión lurapjje uca judionacajj sutichasipjjewa “circuncidatäpjjtwa” sasa. Ucampis jumanacajj janiw judío castäpcäyätati, ucatsti jumanacarojj sutichapjjtamwa “jan circuncidatanaca” sasa.
“Jumanacan chuymanacamarojj suma arust'äwiru mantatäquis uca arunaca uchapjjaraquim, jan juc'ampi chuymanacam kalarayasipjjamti.
Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.
Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.
Ucapachaw Diosajj Josué chacharojj saraquïna: “Jumasti kalat cuchillonac lurasim; wastat israelit jakenacaru circuncidaraquim” sasa.
Josué chachasti uqhamwa luräna Egipto marcat mistunipcatayna uca guerran nuwasir jakenacajj thaquin jutcasina wasaran jiwarjjapjjatap laycu.