Génesis 17:11 - Qullan Arunaca

¹¹ Jumanacasti chhojjorasiñanacaman lip'ichi janchinacapwa qharirasipjjäta, ucawa mä chimpüni cuna arust'äwirutejj jumanacampi nayampi mantapctan ucatjja.

Aymar Bibliia 1986

¹¹ Jumanacasti chhojjorasiñanacaman lip'ichi janchinacapwa qharirasipjjäta, ucawa mä chimpüni cuna arust'äwirutejj jumanacampi nayampi mantapctan ucatjja.

Qullan Arunaka DC

¹¹ Jumanakasti chhuxurasiñaman lip'ich janchip kharirasipxäta, ukaw mä chimpüni kuna arust'äwirutix jumanakampi nayampi mantapktan ukatxa.

Génesis 17:11 Jak'a apnaqawi uñst'ayäwi

Génesis 9:12

Cuna amtäwtejj jumanacampi, uqhamarac animalanacampi wiñayataqui lurcta ucan unañchäniwa acawa.

2 Samuel 3:14

Uqhamarusa Davidajj Is-boset jaken ucarojj mayni qhitanaca qhitaraquïnwa aqham sasa: “Mical warmi catuyita, jupajj warmejjawa, jupampisti filisteonacan chhojjorasiñanacapat pataca lip'ichinac apanisaw casarasta” sasa.

Éxodo 12:48

Ucampis mayni yakha marcanquiritejj jumanac taypin jacchi, ucat Pascua lurañ munchi Tatitur jach'añchasina ucapachajja waquisiwa familiapanjja takpach chachanaca circuncidatäñapa. Ucatwa lurañ puedipjje, uqhamarac marcasanquirïcaspas uqhamäpjjaraquiniwa. Ucampis jan circuncidatäpqui ucanacasti janiw uca uywjja mank'añ puedcaspati.

Éxodo 4:25

Ucampis Moisesan Séfora sat warmipajja kalata lurat mä cuchillompiwa wawaparojj chhojjorasiñapan punta lip'ichi qharekäna, ucatsti uca lip'ichimpi Moisesan chara taypiparu apcatasinwa säna: “Chekpachansa nayataquejj jumaw wila toke chachajjätajja” sasa.

Hechos 7:8

Diosajj Abrahamampejj mä arust'äwi luri, circuncisión churasina, uca arust'äwit amtasiñataqui. Ucatwa Isaac wawap nacipanjja, Abrahamajj quimsakallko urutjja circuncidäna. Isaacasti uca quicparacwa Jacob wawapampejj luräna. Jacobosti uqhamaraquiw wawanacapampejj luraraquïna. Ucanacasti Israelan tunca payan marcan awquinacapänwa.

Romanos 4:11

Abrahamajj uca khepatwa circuncidañ luräwjja catokäna, mä chimpücaspas uqhama, cunapachatejj iyawsasin asquit catokatäcäna ucqha. Ucatpï Abrahamajj take qhitinacatejj iyawsäwi laycu Diosampi catokatäpqui ucanacan awquipajja, jan circuncisión catokcchi ucasa.

Deuteronomio 10:16

“Jumanacan chuymanacamarojj suma arust'äwiru mantatäquis uca arunaca uchapjjaraquim, jan juc'ampi chuymanacam kalarayasipjjamti.

Josué 5:3

Uqhamaw Josué chachajj Diosaru ist'asina israelitanacarojj circuncidäna Aralot sisqui uca kolluna.